नागपूर : काँग्रेस नेते राहुल गांधी यांचा वाढदिवस काँग्रेसच्या वेगवेगळ्या आघाड्यांनी वेगवेगळ्या पद्धतीने साजरा केला. नागपूर युवक काँग्रेसने तर पक्ष्यांना पिंजऱ्यातून मोकळ्या आकाशात उडवून वाढदिवस साजरा केला.
हेही वाचा… समृद्धी महामार्गावर बर्निंग ट्रकचा थरार; दोघांचा जळून मृत्यू
हेही वाचा… अपात्र असताना रेशनचा लाभ घेणे अंगलट; अकोल्यात तब्बल ६५ जणांवर गुन्हे दाखल
महाराष्ट्र युवक काँग्रेसने राहुल गांधी यांच्या वाढदिवसानिमित्त काही शहरात भारत जोडा यात्रा नाव देऊन पदयात्रा काढली. तर नागपुरात “मोहब्बत की दुकान” उघडण्यात आली. ज्यामध्ये पिंजऱ्यात असलेल्या पक्ष्यांना मोकळ्या आकाशात सोडण्यात आले. तसेच विविध वस्त्यांमधील मुलांना चॉकलेट आणि आईसक्रिम वाटले. तर काही ठिकाणी केक कापण्यात आले. उत्तर नागपुरात आयोजित कार्यक्रमात युवक काँग्रेसचे राष्ट्रीय सचिव अजित सिंग, प्रदेश महासचिव आसिफ शेख, सुनील तिवारी, सतीश पाली, नीलेश खोबरागडे, गौतम अंबादे, निशाद इंदूरकर, कुणाल निमगडे, अधिकांश हिरेकन, बाबू भाई, बाबा अली, जैनुएल ओवेस सहभागी झाले होते.
