लोकसत्ता प्रतिनिधी
नागपूर : रेल्वेला उशीर झाल्यामुळे सामान्य माणसाची कामे लांबल्याची बाब भारतीय लोकांसाठी काही नवी नाही. मात्र रेल्वेला उशीर झाल्यामुळे मुंबई उच्च न्यायालयाच्या नागपूर खंडपीठात सुरू असलेल्या सुनावणीला काही काळासाठी थांबवावे लागले. शुक्रवारी सकाळी १०:३० वाजता नायलॉन मांजा प्रकरणावर दाखल जनहित याचिकेवर सुनावणी होती. नायलॉनची ऑनलाईन विक्री फेसबुकवर होत असल्याने न्यायालयाने फेसबुकला उपाययोजनांबाबत विचारणा केली होती. यामुळे फेसबुकच्या वतीने सुनावणीत सहभागी होण्यासाठी त्यांचे वकील नवी दिल्ली येथून नागपूरकडे रवाना झाले. वेळेवर विमानाचे तिकीट न मिळाल्याने वकिलांनी रेल्वेने नागपूर गाठायचे ठरविले.
सुनावणीत सहभागी होण्यासाठी नवी दिल्ली येथून रेल्वेने निघालेले वकील न्यायालयाने निर्धारित केलेल्या वेळेवर पोहोचू शकले नाही. न्यायालयाची कारवाई सुरू झाल्यावर दृकश्राव्य माध्यमातून, नागपूरमध्ये पोहोचायला आम्हाला १५ मिनिटे वेळ लागेल त्यामुळे काही काळ कारवाई थांबविण्यात यावी अशी विनंती केली. एक तास वाट बघितल्यावर न्यायालयाने प्रकरणावर पुन्हा सुनावणी सुरू केली. मात्र रेल्वे नागपूरच्या बाहेरच्या भागात अडकल्याने तेव्हाही वकील न्यायालय गाठू शकले नाही. यावर न्यायालयाने तीव्र संताप व्यक्त केला.
आणखी वाचा-राजमाता जिजाऊंच्या टपाल तिकीटाचे अनावरण
‘आमच्या धैर्याची परीक्षा घेऊ नका’
फेसबुकच्या मार्केट प्लेसवर होणाऱ्या नॉयलॉनची विक्री थांबविण्याकरिता काय उपाययोजना करणार आहात याबाबत शुक्रवारपर्यंत माहिती देण्याचे आदेश न्यायालयाने फेसबुकला दिले होते. एक तास उलटल्यावरही वकील प्रत्यक्षात न्यायालयात हजर न राहिल्याने न्यायालयाने तीव्र नाराजी व्यक्त केली. आमच्या धैर्याची परीक्षा घेऊ नका, न्यायालय तुमच्या वेळेनुसार कार्य करणार आहे का, असे म्हणत न्यायालयाने संताप व्यक्त केला. पुढील सुनावणी बुधवारऐवजी सोमवारी ठेवण्यात यावी अशी विनंती फेसबुकच्या वकिलांनी केल्यावर पुन्हा त्यांना फटकारण्यात आले.
नागपूर : रेल्वेला उशीर झाल्यामुळे सामान्य माणसाची कामे लांबल्याची बाब भारतीय लोकांसाठी काही नवी नाही. मात्र रेल्वेला उशीर झाल्यामुळे मुंबई उच्च न्यायालयाच्या नागपूर खंडपीठात सुरू असलेल्या सुनावणीला काही काळासाठी थांबवावे लागले. शुक्रवारी सकाळी १०:३० वाजता नायलॉन मांजा प्रकरणावर दाखल जनहित याचिकेवर सुनावणी होती. नायलॉनची ऑनलाईन विक्री फेसबुकवर होत असल्याने न्यायालयाने फेसबुकला उपाययोजनांबाबत विचारणा केली होती. यामुळे फेसबुकच्या वतीने सुनावणीत सहभागी होण्यासाठी त्यांचे वकील नवी दिल्ली येथून नागपूरकडे रवाना झाले. वेळेवर विमानाचे तिकीट न मिळाल्याने वकिलांनी रेल्वेने नागपूर गाठायचे ठरविले.
सुनावणीत सहभागी होण्यासाठी नवी दिल्ली येथून रेल्वेने निघालेले वकील न्यायालयाने निर्धारित केलेल्या वेळेवर पोहोचू शकले नाही. न्यायालयाची कारवाई सुरू झाल्यावर दृकश्राव्य माध्यमातून, नागपूरमध्ये पोहोचायला आम्हाला १५ मिनिटे वेळ लागेल त्यामुळे काही काळ कारवाई थांबविण्यात यावी अशी विनंती केली. एक तास वाट बघितल्यावर न्यायालयाने प्रकरणावर पुन्हा सुनावणी सुरू केली. मात्र रेल्वे नागपूरच्या बाहेरच्या भागात अडकल्याने तेव्हाही वकील न्यायालय गाठू शकले नाही. यावर न्यायालयाने तीव्र संताप व्यक्त केला.
आणखी वाचा-राजमाता जिजाऊंच्या टपाल तिकीटाचे अनावरण
‘आमच्या धैर्याची परीक्षा घेऊ नका’
फेसबुकच्या मार्केट प्लेसवर होणाऱ्या नॉयलॉनची विक्री थांबविण्याकरिता काय उपाययोजना करणार आहात याबाबत शुक्रवारपर्यंत माहिती देण्याचे आदेश न्यायालयाने फेसबुकला दिले होते. एक तास उलटल्यावरही वकील प्रत्यक्षात न्यायालयात हजर न राहिल्याने न्यायालयाने तीव्र नाराजी व्यक्त केली. आमच्या धैर्याची परीक्षा घेऊ नका, न्यायालय तुमच्या वेळेनुसार कार्य करणार आहे का, असे म्हणत न्यायालयाने संताप व्यक्त केला. पुढील सुनावणी बुधवारऐवजी सोमवारी ठेवण्यात यावी अशी विनंती फेसबुकच्या वकिलांनी केल्यावर पुन्हा त्यांना फटकारण्यात आले.
