पाटणबोरीतील जुगार अड्ड्यांना आशीर्वाद कुणाचा ? सोशल क्लबच्या नावावर…

यवतमाळ जिह्यातील पांढरकवडा तालुक्यात असलेल्या पाटणबोरीत गेल्या अनेक दिवसांपासून ‘सोशल क्लब’,’रमी क्लब’च्या नावावर जुगार अड्डे सुरु आहेत. एक जुगार अड्डा तर थेट एका राजकीय नेत्याच्या घरात सुरु असल्याची माहिती समोर आली आहे. ‘सोशल क्लब’च्या परवानगीसाठी जिल्हाधिकाऱ्यांच्या प्रस्तावानंतर मंत्रालयातून मंजुरी घ्यावी लागते. मात्र, गेल्या काही महिन्यांपासून ‘सोशल क्लब’ला मंत्रालयातून परवानगी देणे बंद केले आहे. तरीही एका तथाकथित नेत्याने घरात ‘सोशल क्लब’च्या नावाने जुगार अड्डा सुरु केला आहे. ‘सोशल क्लब’च्या नावावर जुगार अड्डे सुरु झाल्यामुळे कर्नाटक आणि तेलंगणा राज्याने ‘सोशल क्लब’वर बंदी घातली. या राज्यात आता ‘सोशल क्लब’च्या माध्यमातून जुगार अड्डे बंद झाले. त्यामुळे या राज्यातील मोठमोठे व्यावसायिक जुगार खेळण्यासाठी राज्याच्या सिमेलगत असलेल्या गावाचा आधार घेत आहेत. त्यामुळेच जुगार अड्ड्याच्या यादीत महाराष्ट्र तेलंगणा सीमेवर यवतमाळ जिल्ह्यातील नागपूर-हैदराबाद मार्गावर पाटणबोरी या गावाला ओळख मिळाली.

नक्की वाचा

VIDEO : नरभक्षक वाघ दिसताच नागरिकांचा गोंधळ, सुरक्षा उपायांची…

Shiv Sena : महाराष्ट्राला लवकरच तिसरा उपमुख्यमंत्री मिळणार,…

Sharad Pawar Health Update: शरद पवारांच्या प्रकृतीबाबत अजित पवारांची महत्त्वाची माहिती; म्हणाले, “त्यादिवशीच त्यांना…”

Saif Ali Khan : सैफला उपचारांसाठी ४ तासांत २५ लाखांची मंजुरी कशी मिळाली? विमा कंपनीच्या तत्परतेमुळे चर्चांना उधाण; AMC कडून तक्रार

Mohan Bhagwat : सरसंघचालक मोहन भागवत यांचं वक्तव्य, “डॉ. बाबासाहेब आंबेडकर म्हणाले होते, धर्म म्हणजे….”

उपराजधानीत तीन दिवसांत तिसरे हत्याकांड; मित्राच्या खुनाचा बदला घेत युवकाचा खून

१५ वर्षांचा प्रियकर, २२ वर्षांची प्रेयसी; चार महिन्यांचे बाळ आणि माणुसकीला काळीमा फासणारा गुन्हा…

“राजकारणातील सर्व पुतण्यांचा डीएनए सारखाच” म्हणणाऱ्या छगन भुजबळांना राज ठाकरेंचा टोला; म्हणाले, “त्यांनी आता…”

तेलंगणा आणि कर्नाटक राज्यासह आंध्रप्रदेश, छत्तीसगढ आणि मध्यप्रदेशातील काही व्यापाऱ्यांनी पाटणबोरीत बस्तान मांडले आहे. रोज लाखो रुपयांची उलाढाल पाटणबोरीतून होत असल्याची विश्वसनीय माहिती समोर आली आहे. सलग चोवीस तास पाटणबोरीत जुगार अड्डे सुरु असतात. पूर्वी येथे २७ पत्त्यांची रमी चालायची तर आता ३१-३३ पत्त्यांची रमी खेळल्या जात आहे. गावातील अनेक तरुणांचेही पाय या जुगार अड्ड्यांकडे वळत आहे. त्यामुळे पाटणबोरीतील कायदा व सुव्यवस्थेसह सामाजिक वातावरणही दूषित झाल्याचे बोलले जाते. मात्र, या जुगार अड्ड्यांकडे पोलीस अधीक्षक, स्थानिक गुन्हे शाखेसह राज्य उत्पादन शुल्क विभागाचेही ‘अर्थपूर्ण’ दूर्लक्ष असल्यामुळे आश्चर्य व्यक्त केल्या जात आहे.

रंगबेरंगी ‘टोकण सिस्टीम’वर चालतो जुगार

पाटणबोरीतील जुगार अड्डा संचालकांनी पैशांऐवजी रंगबेरंगी ‘टोकण सिस्टीम’वर जुगार खेळवणे सुरु केले आहे. जुगार खेळणाऱ्यांकडून १० ते १५ लाख रुपये जमा करुन घेण्यात येतात. त्या बदल्यात १ हजार, ५ हजार आणि १० हजार अशी किंमत असलेले रंगबेरंगी टोकण देण्यात येतात. खेळ संपल्यानंतर जिंकलेल्या टोकणवर तेवढी रक्कम जुगार अड्डा संचालक देतो. हरलेल्या जुगाऱ्याची रक्कम कपात करतो. त्यामुळे डावात पैसे न टाकता लाखोंचा जुगार पाटणबोरीत खेळल्या जातो.

पाटणबोरीत पोलिसांची नियमित गस्त असते. अवैध धंदे अजिबात खपवून घेतले जाणार नाहीत. सोशल क्लबची परवानगी घेऊन जर जुगार अड्डा सुरु करण्यात आला असेल तर नक्कीच कठोर कारवाई करण्यात येईल. – रामेश्वर वैंजणे (उपविभागीय पोलीस अधिकारी, पांढरकवडा)