बुलढाणा : सध्याच्या काळात वासनांध व्यक्तींच्या विकृतीने कळस गाठला आहे. वासनापूर्तीसाठी काही विकृत कोणत्याही थराला जात आहे. बुलढाणा तालुक्यातील देऊळघाट येथे असाच चीड आणणारा धक्कादायक व घृणास्पद घटनाक्रम घडला आहे. आठवीच्या वर्गात शिकणाऱ्या एका निरागस विद्यार्थ्यांवर एका विकृत नराधमाने शारीरिक अत्याचार केला. यामुळे मुलाची प्रकृती बिघडली.
प्राप्त माहितीनुसार आरोपी आणि पीडित एकाच समाजाचे आहेत. पीडित मुलाचे वडील व्यावसायिक आहे. पीडित मुलगा देऊळघाट येथील एका शाळेत आठव्या वर्गात शिकतो. सैय्यद जुनेद सय्यद बब्बू असे आरोपीचे नाव आहे. आरोपी हा देऊळघाट येथीलच राहणारा असून पीडित मुलाची आणि त्याची ओळख आहे. या ओळखीचा गैरफायदा घेत आरोपी जुनेदने मुलासोबत कुकर्म केले. पीडित मुलगा खेळत असताना आरोपी जुनेद याने मुलाला शेतात नेले. तिथे मुलावर लैंगिक अत्याचार केला. एवढेच नव्हे तर घडलेली घटना कुणाला सांगितल्यास जीवे मारण्याची धमकी देखील दिली. मात्र वेदना होत असल्याने पीडित मुलाने कुटुंबीयांना ही बाब सांगितली. त्यानंतर पीडित मुलाच्या वडिलांनी बुलडाणा ग्रामीण पोलीस ठाणे गाठून तक्रार दिली. तक्रारीवरून आरोपी जुनेद विरुद्ध भारतीय न्याय संहितेनुसार बाल लैंगिक अत्याचाराचा गुन्हा दाखल करण्यात आला आहे. पुढील तपास बुलडाणा ग्रामीण पोलिस करीत आहेत. या घटनेमुळे देऊळघाट परिसरात खळबळ उडाली आहे. तसेच गावाकऱ्यात संताप्त प्रतिक्रिया उमटली असून नराधमाला कठोर शिक्षा देण्याची मागणी होत आहे.