नागपूर: पंतप्रधान नरेंद्र मोदी यांच्या हस्ते ११ डिसेंबरला बहुचर्चित नागपूर- मुंबई हिंदूहृदय सम्राट बाळासाहेब ठाकरे समृध्दी महामार्गाचे उद्घाटन होणार आहे. पण फक्त समृध्दी महामार्गाचेच नव्हे चार इतर प्रकल्पाचे उद्घाटन सुध्दा मोदी करणार आहेत.
पंतप्रधानांच्या उपस्थित होणा-या कार्यक्रमासाठी मिहान परिसरात भव्य मंडप उभारण्याचे काम सध्या सुरू आहे. या कार्यक्रमाला मुख्यमंत्री, उपमुख्यमंत्री यांच्यासह केंद्र व राज्यातील अनेक मंत्री उपस्थित राहणार आहेत. पण या कार्यक्रमात फक्त समृध्दी महामार्गच नव्हे तर तितक्याच तोलामोलाच्या इतर प्रकल्पाचे उद्घाटन मोदींच्या हस्ते होणार आहेत.
हेही वाचा: पंतप्रधानाच्या कार्यक्रमाचे स्थळ बदलले; समृध्दीसह अनेक अन्य प्रकल्पांचे उद्घाटन करणार
त्यात प्रामुख्याने एम्सचे लोकार्पण, मेट्रोच्या दोन नवीन मार्गिकेचे उद्घाटन, नागपू-बिलासपूर वंदेभारत एक्सप्रेसचा प्ररंभ आणि नागपूर और अजनी रेल्वे स्थानक पुनर्विकास योजनेचे भूमिपूजन आदींचा समावेश आहे. पंतप्रधानांच्या दौ-यामुळे प्रशासन सतर्क झाले असून ज्या मार्गावरून जाणार आहेत ते रस्ते दुरुस्त केले जात आहे.