बुलढाण्यात भगर पिठातून विषबाधा, अनेकांची प्रकृती बिघडली – चिखलीच्या खासगी रुग्णालयात उपचार सुरू

एकादशीच्या दिवशी (२१ सप्टेंबर) फराळात भगर पिठाचे पदार्थ खाल्याने चिखली तालुक्यातील काही गावांतील ग्रामस्थांची प्रकृती बिघडली. त्यांना विषबाधा झाल्याचे निकटवर्तीयांचे म्हणणे आहे. या बाधितांना चिखली येथील खासगी रुग्णालयांमध्ये दाखल करण्यात आले आहे. प्राथमिक माहितीनुसार, बाधित रुग्णसंख्या २० च्या आसपास असून याची पुष्टी होऊ शकली नाही. बुधवारी एकादशी असल्याने आमखेड व अन्य गावातील ग्रामस्थांनी भगर पिठाचे पदार्थ खाल्ले. यानंतर त्यांना मळमळ, उलट्या, पोटदुखी, हात पाय दुखणे, डोकेदुखी असा त्रास सुरू झाला. ग्रामस्थांना रात्री उशिरा चिखली शहरातील खासगी रुग्णालयांमध्ये दाखल करण्यात आले.

चिखली पोलिसांनी एका रुग्णालयाला भेट दिली असता तिथे आमखेड गावातील ७ रुग्ण भरती असल्याचे त्यांना सांगण्यात आले. दरम्यान, यासंदर्भात अन्न- औषध प्रशासन विभागाचे सहाय्यक आयुक्त एस. डी. केदारे यांना विचारणा केली असता, सध्या तरी आमच्याकडे कोणतीही तक्रार किंवा वैद्यकिय अहवाल आला नसल्याचे त्यांनी सांगितले. अहवाल आल्यावर तत्काळ कारवाई करण्यात येईल असे त्यांनी स्पष्ट केले.

आणखी वाचा

मानव-वन्यजीव संघर्ष : चंद्रपूर जिल्ह्यात ३७ वन्यप्राण्यांचा तर २९ नागरिकांचा मृत्यू

अपात्र ‘लाडक्या बहिणी’ची रक्कम पुन्हा सरकारजमा

शिराळ्यात गव्यांकडून दोनशे एकर शेतीचे नुकसान

बार्शीत वाघाचे पुन्हा दर्शन; गावकऱ्यांमध्ये दहशत कायम

शिवसेना आमदाराच्या हत्येचा कट ? अंबरनाथचे आमदार डॉ. बालाजी किणीकर यांच्या हत्येचा कटात दोघे अटकेत

नाशिक जिल्ह्यात १५ लाखांचा अवैध मद्यसाठा जप्त

Video : ‘फ्लेमिंगो’ला आवडले लोणार सरोवर

थंडीला लागणार ‘ब्रेक’, हवामान खात्याचा पावसाचा अंदाज