बुलढाणा: हिंदुस्थान प्रतिष्ठानचे मनोहर कुलकर्णी ऊर्फ संभाजी भिडे यांच्या अगोदरच वादग्रस्त ठरलेल्या खामगावच्या आजच्या सभेनिमित्त पुन्हा राडा झालाच. आक्रमक निषेध व्यक्त करणाऱ्या वंचित बहुजन आघाडी व ऑल इंडिया पँथरच्या कार्यकर्त्यांना पोलिसांनी ताब्यात घेतले. सभास्थळ परिसरात अजूनही तणाव आहे.
सभास्थळाकडे जाण्याचा प्रयत्न करणाऱ्या वंचित व पँथर च्या पदाधिकारी व कार्यकर्त्यांना खामगाव पोलिसांनी ताब्यात घेतले. बायपास परिसरातील चोपडे भवन (मळा) येथे आज सोमवारी संध्याकाळी ५ वाजता भिडेंची सभा लावण्यात आली. मात्र, त्या अगोदरच ही सभा सुरू करण्यात आली.
हेही वाचा… नागपूर : प्रियकराने अल्पवयीन प्रेयसीला गर्भवती करून तिच्याच मैत्रिणीशी जुळवले सूत…
संभाजी भिडे हे गुप्तपणे सभास्थळी दाखल झाले. यावेळी काळे झेंडे दाखवून व निषेधाच्या घोषणा करणाऱ्या वंचित व पँथर च्या कार्यकर्त्यांना पोलिसांनी ताब्यात घेतले. माळी समाज बांधवांनी देखील निषेध व्यक्त केला. सभा परिसराला पोलीस छावणीचे स्वरूप आले आहे.
