“राणा दाम्‍पत्‍याला अमरावती जिल्‍ह्यात भाजप संपवायची आहे”,बच्‍चू कडू यांची टीका

निवडणूक प्रचारादरम्‍यान राणा दाम्‍पत्‍य अत्‍यंत खालच्‍या पातळीवर टीका करीत आहेत. लोकांची बदनामी करीत आहेत. राणा दाम्‍पत्‍य भाजपसोबत असले, तरी अंतर्गत बैठका मात्र काँग्रेससाठी घेत आहेत. त्‍यांना भाजप संपवायची आहे. या जिल्‍ह्यात भाजप ज्‍यांनी उभी केली, पायाभरणी केली, ते भाजपमध्‍ये कुठे आहेत? नवनीत राणा या २०१९ मध्‍ये काँग्रेस, राष्‍ट्रवादीच्‍या ताकदीवर निवडून आल्‍या. त्‍या आता भाजपच्‍या प्रमुख बनल्‍या. देशातील एवढा मोठा पक्ष रवी राणा यांच्‍या युवा स्‍वाभिमान पक्षाच्‍या दावणीला बांधून ठेवून भाजपला कमी करण्‍याचा त्‍यांचा डाव आहे. अर्थात पुढे ‘स्‍वाभिमान’ चालेल आणि भाजप संपेल, अशी टीका प्रहार जनशक्‍ती पक्षाचे नेते बच्‍चू कडू यांनी केली आहे.

नक्की वाचा

Rahul Gandhi : “आदिवासी अधिकाऱ्याला मागे बसवलं जातं अन्…”, नंदूरबारमध्ये राहुल गांधींचा मोठा दावा!

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

Maharashtra Vidhan Sabha Election 2024 Live: “भाजपमध्ये फिफ्टी-फिफ्टी मतभेद, फडणवीस एक सांगतात तर…”, सुप्रिया सुळेंची खोचक टिप्पणी!

Sarangi Mahajan : सारंगी महाजन यांचा आरोप; “धनंजय आणि पंकजा मुंडे या दोघांनी माझी जमीन लाटली, आणि..”

Amit Thackeray Love Story : “मी पोद्दारचा, ती रुईयाची, ती ज्या मुलाला बघायला जायची…”; अमित ठाकरेंनी सांगितली लव्हस्टोरी!

Amit Thackeray : “मला वाटलेलं मिताली…”, निवडणुकीच्या प्रचाराबाबत अमित ठाकरे पत्नीच्या पाठिंब्याविषयी काय म्हणाले?

Baba Siddique Murder : बाबा सिद्दिकींचे मारेकरी गोळीबार करून पळाले नाहीत, लीलावती रुग्णालयात जाऊन…, पोलीस चौकशीत खुलासा

Ashish Shelar : अमित ठाकरेंनंतर भाजपाचा मनसेच्या आणखी एका उमेदवाराला पाठिंबा, कंबर कसून प्रचार करण्याचे आदेश

हेही वाचा…मुनगंटीवार रावत यांच्या परस्परांना, विजयाच्या शुभेच्छा, जोरगेवार पडवेकर यांचा सोबत चहा

अचलपुरात बच्‍चू कडू यांच्‍या विरोधात भाजपतर्फे प्रवीण तायडे हे रिंगणात आहेत, तर काँग्रेसचे बबलू देशमुख हे परंपरागत विरोधक यावेळीही लढत देत आहेत. या मतदारसंघात तिरंगी लढतीची चिन्‍हे असताना बच्‍चू कडू यांनी राणा दाम्‍पत्‍यावर टीका करून भाजपच्‍या निष्‍ठावंत नेत्‍यांनादेखील इशारा दिला आहे. राणा दाम्‍पत्‍य हे भाजपवर वर्चस्‍व निर्माण करण्‍याच्‍या प्रयत्‍नातून भाजपलाच संपवायला निघाल्‍याचे त्‍यांचे म्‍हणणे आहे. राणा दाम्‍पत्‍य भाजपच्‍या मंचावर वावरत असले, तरी त्‍यांच्‍या कॉंग्रेससोबत अंतर्गत बैठका सुरू असल्‍याचा दावा त्‍यांनी केला आहे. यामुळे पुन्‍हा एकदा राणा दाम्‍पत्‍य आणि बच्‍चू कडू यांच्‍यात वाद निर्माण होण्‍याची शक्‍यता वर्तविण्‍यात येत आहेत.

हेही वाचा…डॉ. सचिन पावडे ठरताहेत ‘ एक्स ‘ फॅक्टर, आघाडी व युतीस धास्ती.

राणा दाम्‍पत्‍य अमरावतीत सुलभा खोडके यांच्‍या विरोधात, तर दर्यापुरात शिवसेना (एकनाथ शिंदे) पक्षाचे अभिजीत अडसूळ यांच्‍या विरोधात युवा स्‍वाभिमान पक्षाचे रमेश बुंदिले यांचा प्रचार करीत आहेत. त्‍यामुळे महायुतीतील फूट उघड झाली आहे.