निवडून येताच प्रतिभा धानोरकरांनी दिला राजीनामा, आता नवीन जबाबदारी

अलिकडेच लोकसभा निवडणूक पार पडून त्यामध्ये चंद्रपूर-वणी-आर्णी लोकसभा क्षेत्राच्या खासदार पदाची धुरा प्रतिभा धानोरकर यांच्याकडे आली. खासदारपदी निवडून आल्याने आज विधानसभा अध्यक्षांकडे आमदार पदाचा राजीनामा सुपूर्द केला. यावेळी अध्यक्षांनी प्रतिभा धानोरकर यांना भावी राजकीय आयुष्यासाठी शुभेच्छा देऊन त्यांनी विधानसभेत केलेल्या कार्याबद्दल स्तुतीसुमने उधळली. याप्रसंगी प्रतिभा धानोरकर यांनी विधानसभेत वेळोवेळी जनतेच्या प्रश्नांवर चर्चेसाठी संधी दिल्याबद्दल अध्यक्षांचे आभार मानले.

आणखी वाचा

Sanjay Raut: ‘फुटणाऱ्यांना लाज वाटली पाहिजे’, शरद पवार गटाचे खासदार अजित पवारांची साथ देणार? संजय राऊत संतापले

कल्याण मारहाण प्रकरण: “तो म्हणाला मुख्यमंत्री कार्यालयातून एक…

Ajit Pawar: अजित पवार दिल्लीतील नवे मराठा स्ट्राँगमॅन; खासदार सुनेत्रा पवार यांना शरद पवारांसमोरील बंगला मिळाल्यामुळे चर्चांना उधाण

“कोर्टात जा आणि तक्रार कर…”, नामांकित कोचिंग इन्स्टिट्यूटच्या चेअरमनने केली शिवीगाळ, मीटिंगमध्ये कर्मचाऱ्याला ओरडला अन्…, पाहा VIDEO

Parliament Session : सभापतींना हटवण्यावरून राज्यसभेत गोंधळ, सलग दुसऱ्या दिवशी सभागृहाचं कामकाज स्थगित

विधान परिषदेचे सभापतीपद कोणाकडे ?

‘राजीनामा देण्‍यास तयार, पण…’; नवनीत राणांचे आव्‍हान खासदार वानखडेंनी स्‍वीकारले

‘संयमाने वागून नेत्यांनी पराभव स्वीकारावा’; मुख्यमंत्री देवेंद्र फडणवीस यांची शरद पवारांवर टीका

हेही वाचा – लोकसभा निवडणुकीत वंचित बहुजन आघाडीचा ‘फुगा’ का फुटला ?

दिवंगत खासदार बाळू धानोरकर व मला विधानसभेचा कालावधी पूर्ण करता आला नाही, पण आम्हाला खासदार म्हणून जनतेने दिलेली संधी माझ्या आयुष्यासाठी प्रेरणादायी ठरलेली आहे. या निवडणुकीत जनतेने भरभरुन दिलेले आशीर्वाद मी विकासकार्यात परावर्तीत करण्याचा प्रयत्न करणार असल्याचे, मत देखील त्यांनी व्यक्त केले. भविष्यात देखील जनतेच्या कामांसाठी केंद्र व राज्य सरकारच्या माध्यमातून जनतेचे प्रश्न मार्गी लावणार असल्याचे खासदार प्रतिभा धानोरकर यांनी सांगितले.

हेही वाचा – एसटी कर्मचाऱ्यांच्या बदल्या आता एका ‘क्लिक’वर, गैरप्रकाराला…

मागील दहा वर्षांत बाळू धानोरकर व प्रतिभा धानोरकर या दोघांनाही आमदार म्हणून पाच वर्षांचा कार्यकाळ पूर्ण करता आलेला नाही. बाळू धानोरकर २०१४ मध्ये आमदार म्हणून निवडून आले. मात्र आमदारकीचा पाच वर्षांचा कार्यकाळ पूर्ण होण्यापूर्वीच बाळू धानोरकर यांनी काँग्रेस पक्षात प्रवेश करून आमदारकीचा राजीनामा दिला व लोकसभेची निवडणूक जिंकली. विशेष म्हणजे, बाळू धानोरकर यांना खासदार म्हणूनही पाच वर्षांचा कार्यकाळ पूर्ण करता आला नाही. पाच वर्षे पूर्ण होण्यास एक वर्षाचा कालावधी शिल्लक असताना खासदार धानोरकर यांचे ३० मे रोजी निधन आले. दिवंगत बाळू धानोरकर यांच्या पत्नी आमदार प्रतिभा धानोरकर यांनीही आमदारकीचा पाच वर्षांचा कार्यकाळ पूर्ण होण्यापूर्वी लोकसभा निवडणुकीच्या रिंगणात उडी घेतली. विशेष म्हणजे, धानोरकर २ लाख ६० हजार इतक्या विक्रमी मताधिक्याने विजयी झाल्या. खासदार म्हणून निवडून आल्याने धानोरकर यांनी कार्यकाळ पूर्ण होण्यापूर्वी आमदारकीचा राजीनामा दिला.