नागपूर: रुग्णालयाच्या दारावर ऑटोरिक्षातच प्रसूती; डॉक्टर आणि इतर कर्मचाऱ्यांची समयसूचकता

नागपूर: प्रसूती वेदनेसाठी घरातच वाट बघणे जोखमीचे आहे. नागपुरातील मेडिकल रुग्णालयात असाच एक प्रकार घडला. रविवारी दुपारी मेडिकलच्या द्वारावर ऑटोरिक्षात महिलेला प्रसूती वेदना सुरू झाली. डॉक्टर आणि इतर कर्मचारी तेथे धावत गेले. येथे विलंबाने प्रसूती जोखमीचे होती. म्हणून ऑटोतच प्रसूती केली गेली. सध्या आई व बाळ दोघेही सुरक्षित आहे.

आणखी वाचा

नाशिक: सिडकोत पोलीस संचलन

महायुतीला सत्ता मिळाली, लाडक्या बहिणींना २१०० रुपये कधीपासून…

आरे रुग्णालय रुग्णशय्येवर डॉक्टर, अन्य कर्मचाऱ्यांची अनुपस्थिती; आदिवासी रुग्णांची उपचारांसाठी पायपीट

डॉक्टरांच्या आंदोलनानंतर व्ही. एन. देसाई रुग्णालयाच्या सुरक्षा रक्षकांमध्ये वाढ, मुंबई महानगरपालिका आयुक्तांसोबतच्या चर्चेनंतर निघाला तोडगा

स्त्री आरोग्य: गर्भजल कमी असल्यास ‘सिझेरियन’ अनिवार्य आहे?

Greater Noida : डोळ्यावर शस्त्रक्रिया न करताच हॉस्पिटलने ४५ हजार उकळले; दुसऱ्या डॉक्टरनी तपासल्यानंतर झालं उघड

गोवंडीत बोगस महिला डॉक्टरला अटक

गरीब आणि मध्यमवर्गीय गटातील कुटुंबाच्या आरोग्याचे मंदिर म्हणून मेडिकलकडे बघितले जाते. रविवारी दुपारी येथील आकस्मिक विभागाच्या द्वाराजवळून एक महाराष्ट्र सुरक्षा बलचा जवान धावत मुख्य वैद्यकीय अधिकाऱ्यांच्या कक्षाजवळ आला. त्याने डॉक्टरांना ऑटोमध्ये प्रसूती होत असल्याचे कळवले. कोणताही वेळ न दवडता सेवेवरील डॉक्टर आणि वंदना भोयर आणि झुल्फी अली हे कर्मचारी डिलिव्हरी ट्रे आणि उरलेले सामान घेऊन धावत ऑटोकडे पोहोचले.

हेही वाचा… गोंदिया : शेतकऱ्यांना प्रतीक्षा पावसाची, मान्सून रखडल्याने पेरण्या लांबण्याची शक्यता

सर्वांनी सामूहिक प्रयत्नाने काळजीपूर्वक ऑटोतच प्रसूती करून घेतली. प्रसूतीनंतर बाळाला औषधशास्त्र विभागातील आकस्मिक विभागात बालरोगतज्ञांना दाखविण्यात आले. बाळ सुरक्षित असल्याचे पुढे आल्यावर आई- बाळ दोघांना येथील स्त्रीरोग विभागाच्या वॉर्डात पाठवण्यात आले. मेडिकलच्या कर्मचाऱ्यांनी वेळीच काळजी घेऊन आई- बळाला वाचवल्याने नातेवाईकांनी हात जोडून सर्वांचे आभार मानले. या कठीण प्रसूतीसाठी वर्षा बडकी, हेमा बोपचे, श्रद्धा धारगावे यांचेही परिश्रम महत्वाचे होते.