रोशन पाटीलशी मराठीतूनच बोलले मोदी…पाच मिनिटांच्या सवांदात मुलाच्या वाढदिवसाचे…

मोदींनी संवादाची सुरुवातच मराठीतून केली. पाटील यांना स्वामित्व योजनेचा मिळालेला लाभ, शासनाची मदत, त्याचा झालेला फायदा याविषयीची माहिती मोदींनी सुमारे पाच मिनिटांच्या संवादातून करून घेतली. संवादादरम्यान लाभार्थी रोशन पाटील यांच्या शर्विल या मुलाचा वाढदिवस असल्याचे त्यांना सांगताच तत्काळ त्यांनी वाढदिवसाच्या शुभेच्छाही दिल्या. कुटुंबातील सदस्यांची संख्या, स्वतः काय करता याचीही आस्थेवाईकपणे त्यांनी विचारपूस केली.

हेही वाचा…हत्ती जाणार रजेवर…कारण वाचून म्हणाल, आपणही थंडीत…

मालकी पट्टयामुळे कर्ज घेता आले घराच्या जागेचा मालकी पट्टा मिळाल्याने घरावर कर्ज घेता आले. बँकेकडून नऊ लाख कर्ज घेतले. काही पैसे घराला तर काही पैसे शेतीला लावले. शेतीतून फायदा होत असल्याचे रोशन पाटील यांनी सांगितले. बँकेकडून कर्ज घेण्यास पूर्वी अडचण यायची. या योजनेमुळे कर्ज मिळणे सुकर झाल्याचे त्यांनी सांगितले. केंद्र सरकारच्या कुठल्या योजनांचा लाभ मिळाल्याचे मोदी यांनी विचारले. यावर उज्ज्वला गॅस योजना, पीएम सन्मान निधी योजना, पीक विमा योजनेचा लाभ मिळाल्याचे सांगत स्वामित्व योजनेचा लाभ दिल्याबद्दल पाटील यांनी मोदींचे आभार मानले.

हेही वाचा…‘समृद्धी’वर पुन्हा डुलकी ठरली घातक…कारची ट्रकला धडक; एक ठार, दोन जखमी…

८७ पारधी विद्यार्थ्यांचे जात प्रमाणपत्रांचे अर्ज मान्य

राज्यातील १५ हजार गावातील नागरिकांना स्वामित्व योजनेतील पहिल्या टप्प्यात मालमत्ता कार्ड मिळणार आहे, अशी माहिती महसूल मंत्री चंद्रशेखर बावनकुळे यांनी यावेळी दिली. पारधी समाजातील विद्यार्थ्यांचे दोन वर्षांपासून जात प्रमाणपत्रासाठीचे अर्ज अडवून ठेवण्यात आले होते. त्यासंदर्भातील वृत्ताची सरकारने दखल घेतली आणि काही तासांत ८७ विद्यार्थ्यांचे अर्ज मान्य करण्यात आले. यापुढे विद्यार्थ्यांना अडचण जाणार नाही. अशी व्यवस्था करण्यात येईल, असेही बावनकुळे म्हणाले