पंतप्रधानांची राज्यातील पहिली सभा रामटेकमध्ये; १० एप्रिलला कन्हानमध्ये प्रचार दौरा

नागपूर, रामटेक, गडचिरोली, भंडारा-गोंदिया व चंद्रपूर या मतदारसंघात १९ एप्रिलला मतदान होणार आहे. पाचपैकी तीन ठिकाणी भाजपचे विद्यमान खासदार आहेत. ‘मिशन-४५’ अभियानानुसार महायुतीने विशेषत: भाजपने या सर्व जागांवर लक्ष केंद्रित केले आहे. प्रचारासाठी पक्षाचे दिग्गज नेते येणार आहेत.

हेही वाचा >>>‘वापरा आणि फेका’ हीच भापजची नीती; महाविकास आघाडीच्या प्रचारसभेत आदित्य ठाकरे यांची टीका

शहा शनिवारी गोंदियात

केंद्रीय गृहमंत्री अमित शहा यांची ६ एप्रिल रोजी गोंदिया येथे जाहीर सभा होणार आहे. शहा ६ एप्रिलला दुपारी ३ वाजता नागपूर येथे येणार असून येथून ते हेलिकॉप्टरने गोंदियाला जातील. तेथे ४ वाजता सभा होईल.