नागपूर : कारागृहातील कैद्याकडे सापडला गांजा व भ्रमणध्वनीच्या १५ बॅटरी

सूरज कन्हैय्यालाल कावळे (२२) रा. खापरखेडा असे कैद्याचे नाव आहे. तो मोक्काचा आरोपी आहे. तो कारागृहात बंद होता. दरम्यान, न्यायालयात तारीख असल्याने त्याला कारागृहातील पोलिसांनी सोमवारी सकाळी १० वाजताच्या दरम्यान न्यायालयात नेले. दुपारी दीडच्या सुमारास त्याला पून्हा कारागृहात नेण्यात आले.

हेही वाचा : नव्या पिढीमधील पाश्चात्य पदार्थांचा मोह फार काळ टिकणार नाही ; प्रसिद्ध शेफ विष्णू मनोहर यांचे मत

दरम्यान, कारागृहात त्याची तपासणी करण्यात आली. परंतु यावेळी सुरक्षा रक्षकांना कैद्याकडे ५५ ग्राम गांजा, भ्रमणध्वनीच्या तब्बल १५ बँट्री आणि १२९ पान विविध पोलीस ठाण्यातील कागदपत्र आढळले. हा प्रकार बघून सुरक्षारक्षकांनी तातडीने वरिष्ठांना सूचना दिली. या प्रकरणाला कारागृह प्रशासनाने गांभीर्याने घेतले असून या वस्तू कैद्याकडे आल्या कुठून? याची चौकशी सुरू करण्यात आली आहे.