अकोला : हिंदू राष्ट्र समन्वय समिती आणि समविचारी हिंदू संघटनांच्यावतीने बांगलादेशातील हिंदुंवरील अत्याचाराच्या विरोधात सोमवारी आंदोलन करण्यात आले. निषेध करण्यासाठी विविध हिंदुत्ववादी संघटना रस्त्यावर उतरल्या होत्या. बांगलादेशातील अत्याचाराचा तीव्र निषेध करण्यात आला आहे.
बांगलादेशातील हिंदुंवर होत असलेल्या अत्याचाराचा निषेध करण्यासाठी विविध हिंदुत्ववादी संघटनांचे प्रतिनिधी सोमवारी सायंकाळी जिल्हाधिकारी कार्यालयासमोर एकत्रित जमले. यावेळी हिंदुंवरील अत्याचाराच्याविरोधात नारेबाजी करण्यात आली. बांगलादेशात गेल्या काही दिवसांपासून आरक्षणाच्या विरोधात चालू असलेल्या आंदोलनाने प्रचंड हिंसक वळण घेतले. शेख हसीना यांनी पंतप्रधान पदाचा राजीनामा राष्ट्रपतींकडे सोपवून देशातून पलायन केले. बांगलादेशातील आरक्षणाच्या सूत्रावरून प्रारंभ झालेल्या हिंसाचाराने आता टोक गाठले आहे. या हिंसाचाराचे रुपांतर आता अराजकतेत झाले. सरकारविरोधी आंदोलन हे आता हिंदुंच्या विरोधात प्रारंभ झाले आहे. बांगलादेशात २७ ठिकाणी हिंदुंना लक्ष्य करण्यात आले. जाणीवपूर्वक हिंदुंना लक्ष्य करून त्यांच्या उघडपणे हत्या करणे, हिंदुंच्या घरांवर आक्रमणे करणे, हिंदुंची दुकाने लुटणे, हिंदुंच्या मंदिरांची तोडफोड करणे, आग लावणे, हिंदू महिलांवर अत्याचार करणे, हिंदुंना विस्थापित करणे आदी प्रकार सुरू झाले. हिंदू नगरसेवक, पत्रकाराचीही हत्या झाली. या गोष्टींमुळे तेथील अल्पसंख्यांक हिंदुंमध्ये प्रचंड भीतीचे वातावरण आहे, असे हिंदू राष्ट्र समन्वय समितीचे उदय महा यांनी सांगितले.
हेही वाच – करावे तसे भरावे! प्रतापराव जाधव यांनी उद्धव ठाकरेंना डिवचले
बांगलादेशी सैन्यदलाने हिंदूंचे रक्षण करण्याचे आश्वासन दिले असले, तरी भारत सरकारने त्यावर विसंबून राहू नये. भारत सरकारने हिंदू समाजाच्या आणि मंदिरांच्या रक्षणासाठी तातडीने पावले उचलावीत. तसेच उरणमधील यशश्री शिंदे या तरुणीच्या हत्येचा निषेध व राज्यात ‘लव्ह जिहाद’ विरोधात कायदा करण्यात यावा, अशा मागणीचे निवेदन जिल्हाधिकाऱ्यांना देण्यात आले. यावेळी बांगलादेशातील हिंदुंवरील अत्याचाराचा निषेध करून अनेकांनी मनोगत व्यक्त केले. यावेळी हिंदू विधिज्ञ परिषदेचे ॲड. मुकुंद जालनेकर, संजय ठाकूर, उदय महा, विहिप प्रखंड प्रमुख राजू मंजुळेकर, रवींद्र फाटे, ॲड. कैलास शर्मा, डॉ. संतोष पस्तापुरे, भाजपचे राज्य कार्यकारिणी सदस्य डॉ. अशोक ओळंबे, शिवसेना शहर प्रमुख ॲड. पप्पू मोरवाल, योगेश अग्रवाल, आदींसह विविध हिंदू संघटनांचे प्रतिनिधी व नागरिक उपस्थित होते.
बांगलादेशातील हिंदुंवर होत असलेल्या अत्याचाराचा निषेध करण्यासाठी विविध हिंदुत्ववादी संघटनांचे प्रतिनिधी सोमवारी सायंकाळी जिल्हाधिकारी कार्यालयासमोर एकत्रित जमले. यावेळी हिंदुंवरील अत्याचाराच्याविरोधात नारेबाजी करण्यात आली. बांगलादेशात गेल्या काही दिवसांपासून आरक्षणाच्या विरोधात चालू असलेल्या आंदोलनाने प्रचंड हिंसक वळण घेतले. शेख हसीना यांनी पंतप्रधान पदाचा राजीनामा राष्ट्रपतींकडे सोपवून देशातून पलायन केले. बांगलादेशातील आरक्षणाच्या सूत्रावरून प्रारंभ झालेल्या हिंसाचाराने आता टोक गाठले आहे. या हिंसाचाराचे रुपांतर आता अराजकतेत झाले. सरकारविरोधी आंदोलन हे आता हिंदुंच्या विरोधात प्रारंभ झाले आहे. बांगलादेशात २७ ठिकाणी हिंदुंना लक्ष्य करण्यात आले. जाणीवपूर्वक हिंदुंना लक्ष्य करून त्यांच्या उघडपणे हत्या करणे, हिंदुंच्या घरांवर आक्रमणे करणे, हिंदुंची दुकाने लुटणे, हिंदुंच्या मंदिरांची तोडफोड करणे, आग लावणे, हिंदू महिलांवर अत्याचार करणे, हिंदुंना विस्थापित करणे आदी प्रकार सुरू झाले. हिंदू नगरसेवक, पत्रकाराचीही हत्या झाली. या गोष्टींमुळे तेथील अल्पसंख्यांक हिंदुंमध्ये प्रचंड भीतीचे वातावरण आहे, असे हिंदू राष्ट्र समन्वय समितीचे उदय महा यांनी सांगितले.
हेही वाच – करावे तसे भरावे! प्रतापराव जाधव यांनी उद्धव ठाकरेंना डिवचले
बांगलादेशी सैन्यदलाने हिंदूंचे रक्षण करण्याचे आश्वासन दिले असले, तरी भारत सरकारने त्यावर विसंबून राहू नये. भारत सरकारने हिंदू समाजाच्या आणि मंदिरांच्या रक्षणासाठी तातडीने पावले उचलावीत. तसेच उरणमधील यशश्री शिंदे या तरुणीच्या हत्येचा निषेध व राज्यात ‘लव्ह जिहाद’ विरोधात कायदा करण्यात यावा, अशा मागणीचे निवेदन जिल्हाधिकाऱ्यांना देण्यात आले. यावेळी बांगलादेशातील हिंदुंवरील अत्याचाराचा निषेध करून अनेकांनी मनोगत व्यक्त केले. यावेळी हिंदू विधिज्ञ परिषदेचे ॲड. मुकुंद जालनेकर, संजय ठाकूर, उदय महा, विहिप प्रखंड प्रमुख राजू मंजुळेकर, रवींद्र फाटे, ॲड. कैलास शर्मा, डॉ. संतोष पस्तापुरे, भाजपचे राज्य कार्यकारिणी सदस्य डॉ. अशोक ओळंबे, शिवसेना शहर प्रमुख ॲड. पप्पू मोरवाल, योगेश अग्रवाल, आदींसह विविध हिंदू संघटनांचे प्रतिनिधी व नागरिक उपस्थित होते.
