देवावर विश्वास ठेवा, धार्मिक राहा – पंजाबचे राज्यपाल बनवारीलाल पुरोहित यांचा सल्ला

भारताला विश्वगुरू बनवायचे आहे. त्यासाठी स्वर्गातून कोणी येणार नाही. हे कार्य आपल्याच करायचे आहे. शिक्षण क्षेत्रावर ही जबाबदारी अधिक आहे. हे काम करताना टीका होते. ती सहन करण्याची ताकद ठेवा. यासाठी आपला देवावर विश्वास हवा. झोपताना रोज देवाचे स्मरण करा. आमचा दिवस चांगला गेला म्हणून देवाला धन्यवाद द्या. यासाठी धर्माचा प्रश्न नाही. हिंदू असाल तर राम, कृष्ण, मुस्लिम असाल तर कुराण, ख्रिश्चन असाल जर येशूचे स्मरण करा. चुका करताना आपल्याकडे देवाचे लक्ष असते ही भीती असते. तुम्ही धार्मिक वृत्तीचे असाल तर चुका होणार नाही. त्यामुळे धार्मिक राहा, असा सल्ला पुरोहित यांनी दिला.