“विदर्भात ९० हजार कोटींच्या गुंतवणुकीचे काय झाले?” प्रदीप माहेश्वरी यांचा सवाल

भद्रावती येथे २० हजार कोटी रुपये गुंतवणुकीचा “कोल गॅसिफिकेशन” प्रकल्प, वळद येथे ५५०० कोटींचा वळद फेरो अलाईड प्रकल्प, गडचिरोली जिल्ह्यात २० हजार कोटी रुपये गुंतवणुकीचा लॉयड मेटल्स प्रकल्प, नागपूर जिल्ह्यात बुटीबोरी येथे १८ हजार कोटी रुपये गुंतवणुकीचा आरई पॉवर प्रकल्पाबाबत सामंजस्य करार करण्यात आले होते. अमरावती जिल्ह्यात टेक्सटाईल्स पार्कची घोषणा करण्यात आली होती. या सर्व प्रकल्पांमध्ये जवळपास एक लाख कोटी रुपयांची गुंतवणूक होणार असल्याचा दावा करण्यात आला होता. आता प्रकल्पांच्या घोषणांना १२ ते १५ महिने लोटले आहेत. त्याचे काय झाले, असा प्रश्न माहेश्वरी यांनी केला.

हेही वाचा… सायबर गुन्हेगाराकडून ११ लाखांनी फसवणूक, पाच दिवसांत पती पत्नीचे बँक खाते रिकामे

विदर्भात कोळसा, वीज, पाणी व खनिज घटक मोठ्या प्रमाणात असून दळणवळणाची सोय देखील आहे. येथे वीज तयार होत असल्याने कमी दरात वीज उपलब्ध करून उद्योजकांना आकर्षित करता येते. त्यामुळे सरकारने याचा लाभ घेत उद्योग वाढवून येथील युवकांना रोजगार द्यावा, अशी मागणी त्यांनी केली.