कामगार कल्याण विभागाचा जलतरण तलाव पाच वर्षांपासून बंद… जलतरणपटूंच्या एका पिढीचे नुकसान…

करोना काळात हा तलाव बंद करण्यात आला. तलावाच्या देखभालीकडे दुर्लक्ष झाल्याने तेथील फिल्टर खराब झाले, टाईल्स तुटल्या, पाणी गढूळ झाले. टँकला गळती लागली. त्यानंतर जलतरण तलावात पाणी सोडणे बंद करण्यात आले. त्यामुळे या तलावाची दुरवस्था झाली. कामगारांनी हा मुद्दा उपस्थित केल्यानंतर तलावाच्या देखभाल-दुरुस्तीसाठी निविदा काढण्यात आली. या तलावावर दोन कोटीपेक्षा जास्त रक्कम खर्च झाली आहे. परंतु, अजूनही काम पूर्ण झाले नाही.एखाद्या मुलास जलतरण शिकण्यात प्रावीण्य मिळवण्यासाठी किमान तीन वर्षे लागतात. गेल्या पाच वर्षांपासून रघुजीनगर येथील जलतरण तलाव बंद आहे. त्यामुळे जलतरणातील एक पिढी वाया गेली आहे. कामगारांचे मुले-मुली जलतरण शिकण्यापासून वंचित राहिले आहे.संजय बाटवे, तलतरण प्रशिक्षक.

गेल्या दहा वर्षांपासून माझी दोन्ही मुले कामगार जलतरण तलावावर नियमित सराव करायची. त्यांनी राष्ट्रीय पातळीवर सुद्धा आपली चुणूक दाखवलेली आहे. परंतु, कामगार जलतरण तलाव बंद असल्याने मला पिपळा फाटा ते एनआयटी जलतरण तलावापर्यंत माझी दोन्ही मुले १० किलोमीटर सायकलने येथे सरावाकरिता येतात, मला ऑटोचा खर्च परवडत नाही. हा जलतरण तलाव लवकर सुरू करावा, अशी शासनाला विनंती आहे.श्याम चापले, पालक. करोना काळात बंद झालेले देशातील सर्व जलतरण तलाव सुरू झाले. परंतु, हे तलाव अद्यापही बंद आहेत. दोन कोटी रुपये तलावाच्या डागडूजीसाठी व एक लाख रुपये पाण्याची पातळी पाहण्यासाठी दिले जाते. तरी देखील तलाव सुरू केले आहे. अशाप्रकारे इतके वर्षे तलाव बंद ठेवण्यात आले. तलाव उभारण्याचा मूळ उद्देश्याला हरताळ फासला गेला आहे. ॲड. प्रवीण साळुंखे, सभासद, कामगार कल्याण केंद्र.