राजकीय कार्यक्रमांच्या गर्दीने नागपूरकरांसाठी एप्रिल ‘ताप’दायक

राज्यात सत्ताबदल झाल्यानंतर सत्ताधारी शिवसेना, भाजप विरुद्ध महाविकास आघाडी यांच्यात राजकीय संघर्ष सुरू आहे. मार्च महिन्यात विधिमंडळाच्या अर्थसंकल्पीय अधिवेशनाच्या निमित्ताने राजकीय घडामोडींचे केंद्र मुंबईत होते. पण, आता एप्रिल महिन्यात नागपुरात होत असलेल्या कार्यक्रमांमुळे राजकीय घडामोडींना वेग आला आहे. सावरकर गौरव यात्रेच्या समारोपाच्या निमित्ताने भाजपने शहरातील सहाही विधानसभा मतदारसंघात यात्रा काढल्या. शंकरनगर चौकातील सावरकरनगर चौकात झालेल्या मुख्य कार्यक्रमात यात्रेच्या निमित्ताने जोरदार शक्तिप्रदर्शन केले. केंद्रीय मंत्री नितीन गडकरी, उपमुख्यमंत्री देवेंद्र फडणवीस यांनी त्यांच्या भाषणात काँग्रेस नेते राहुल गांधी यांच्यावर जोरदार टीका केली. उद्धव ठाकरेंच्या ‘फडतूस’ला फडणवीस यांनी ‘काडतूस’ ने उत्तर दिले.

आणखी वाचा

विकासासाठी महायुतीची गरज, नितीन गडकरी यांचे आवाहन

महायुतीला सत्ता मिळाली, लाडक्या बहिणींना २१०० रुपये कधीपासून…

राहुल गांधी नागपुरात आले आणि…टमाटरने सजवलेल्या तर्री पोह्यांसाठी थेट….

‘कसब्या’तील आमदारांची कामे कमी आणि दंगा जास्त; उपमुख्यमंत्री देवेंद्र फडणवीस यांची टीका

मोदींच्या सभेचा महायुतीच्या उमेदवारांना फायदा होणार का?

पंतप्रधानांच्या आगमनाच्या अखेरच्या क्षणापर्यंत सरकारची स्वच्छ खारघर मोहीम सुरूच

अनेक माजी मंत्री, आमदारांचा बंडखोरी करून विजयाचा इतिहास, देशमुख, केदार, बंग, जयस्वाल आदींचा समावेश

हेही वाचा… तब्बल चार मिनिटे ‘आंतरराष्ट्रीय अवकाश स्थानक’ चंद्रपूरकरांना दिसले

दरम्यान, १६ एप्रिलला होणाऱ्या सभेच्या निमित्ताने महाविकास आघाडीचे नेतेही सक्रिय झाले आहेत. दोन निवडणुकांमध्ये पराभव झाला असतानाही नागपूर हा भाजपचा गड कसा, असा सवाल करून काँग्रेस नेते सुनील केदार यांनी भाजपला डिवचले. सभेसाठी दिलेल्या मैदानाची परवानगी रद्द करा, अशी मागणी करून भाजपने मविआचा रक्तदाब वाढवला. पण एकाच दिवसात ‘यु टर्न’ घेतला. महाविकास आघाडीच्यासभेनंतर काँग्रेसने राहुल गांधी, प्रियंका गांधी यांच्या सभेचे नियोजन केले आहे. राहुल यांचे लोकसभा सदस्यत्व रद्द करण्याच्या पार्श्वभूमीवर काँग्रेस संघभूमीत शक्तिप्रदर्शन करण्याच्या तयारीत आहे.

हेही वाचा… रेल्वे प्रवाशांसाठी महत्त्वाचे : नागपूर मार्गे धावणाऱ्या काही रेल्वे रद्द

२७ एप्रिलला पंतप्रधान नरेंद्र मोदी यांचा संभाव्य नागपूर दौरा आहे. या दौऱ्यात त्यांच्या हस्ते विविध प्रकल्पांच्या उद्घाटनाचे नियोजन आहे. प्रशासनाने तयारीला सुरुवात केली आहे. एका कार्यक्रमात पंतप्रधान व सरसंघचालक एकाच व्यासपीठावर येण्याची शक्यता असल्याने त्याकडे संपूर्ण देशाचे लक्ष असणार आहे.

हेही वाचा… ताडोबात २०० पशु, पक्ष्यांचा आवाज काढणारा ‘बर्डमॅन’, पाहा व्हिडिओ..

विविध कार्यक्रमांच्या निमित्ताने पुढच्या काळात सर्वपक्षीय नेत्यांची वर्दळ नागपुरात वाढणार असून आरोप-प्रत्यारोपांच्या फैरीही झडण्याची शक्यता आहे. सध्या भाजप-ठाकरे गटातील राजकीय वाद शिगेला पोहचला आहे. संजय राऊत यांच्या टीकेला बावनकुळे रोज नागपुरातून उत्तर देत आहेत. त्यातच काँग्रेसमधील देशमुख-पटोले यांच्यातील शाब्दिक युद्ध थांबण्याचे नाव घेत नसल्याने हा महिना नागपूरसाठी राजकीय वादविवादांचा ठरण्याची शक्यता आहे.