संसदेप्रमाणेच नागपूर विधानभवनात प्रवेशासाठी ‘बार’ कोड पद्धतीचा वापर करणार; राहुल नार्वेकर

अधिवेशन परिसरात होणारी गर्दी टाळण्यासाठी मोजक्या व सुरक्षित प्रवेशासाठी संसदेच्या धर्तीवर मध्यवर्ती बारकोड पद्धतीचा अवलंब व्हावा, प्रवेशिका स्कॅन केल्यावरच प्रवेश द्यावा, अशी सूचना नार्वेकर यांनी केली. विधान परिषदेच्या उपसभापती डॉ. नीलम गोऱ्हे यांनी आतमध्ये मोठ्या प्रमाणात होत असलेली गर्दी, प्रत्येक मंत्री व आमदारांमार्फत दिल्या जाणाऱ्या प्रवेशिका, विधान भवन परिसरातील महिला सुरक्षा कर्मचारी यांच्यासाठीची आवश्यक प्रसाधन व्यवस्था, महिला आमदार यांची आमदार निवासातील व्यवस्था, अधिवेशनासाठी विदर्भाच्या दुर्गम भागातून येणाऱ्या सामान्य कार्यकर्त्यांसाठी बस व्यवस्था याबाबत सूचना केली. लवकरच मुंबई येथे कामकाज सल्लागार समितीची बैठक होईल व त्यामध्ये अधिवेशनाच्या संदर्भातील कालावधी व अन्य महत्त्वपूर्ण घोषणा होतील, असेही यावेळी नार्वेकर यांनी सांगितले.

आणखी वाचा

महाविकास आघाडीतील गोंधळ मंत्री सुरेश खाडे यांच्या पथ्थ्यावरच

Devendra Fadnavis Income : उपमुख्यमंत्र्यांची एकूण संपत्ती किती?…

लाडकी बहीण योजनेवरून खासदार धनंजय महाडिक यांचे वादग्रस्त विधान; खासदार प्रणिती शिंदे, आमदार सतेज पाटील यांचे टीकास्त्र

मोदी, शहांकडून फडणवीस यांच्यावर कौतुकाची थाप! मुख्यमंत्री पदाचे संकेत

पिंपरी : सहाशे रुपयांची लाच घेताना संगणक चालक महिला अटकेत

कार्यालयीन जागा सहकार्यात पुण्याचा झेंडा! मुंबई, दिल्लीला मागे टाकत देशात दुसऱ्या स्थानी झेप

समाविष्ट गावातील पाणीपुरवठ्याच्या तक्रारींसाठी पालिकेने घेतला हा निर्णय !

ईडीकडून ३३३ कोटींच्या मालमत्तेवर टाच

हेही वाचा: नागपूर: पीएचडीसाठी संशोधकांकडून पैसे उकळले!; धर्मेश धवनकरांचा नवीन घोटाळा उघड

सेंट्रल हॉलची गरज
भविष्यात विधान भवन परिसराचा विस्तार करण्यात येईल. विधिमंडळ परिसरात मध्यवर्ती सभागृहाची (सेंट्रल हाॅल) नितांत गरज आहे. मात्र त्यासाठी जागा कमी पडत आहे. जागा संपादित करण्याबाबत जिल्हाधिकाऱ्यांकडून अहवाल मागवला आहे, असे नार्वेकर म्हणाले.

माध्यमांची संख्या १६००
नागपुरात माध्यमांची संख्या १६०० असल्याची माहिती आपल्याला देण्यात आली. दिवसेंदिवस माध्यमांची संख्या वाढत आहे. त्यामुळे विधान परिषद आणि सभेतील पत्रकार दीर्घेतही जागा अपुरी पडते. हिवाळी अधिवेशनात दोन्ही सभागृहाबाहेर मंडप टाकून सभागृहातील सर्व सोयीसुविधा पत्रकारांना उपलब्ध करून देण्यात येणार असल्याचेही नार्वेकर यांनी सांगितले.

हेही वाचा: ‘२०२४पर्यंत महाविकास आघाडीचे सरकार येईल’ म्हणणाऱ्या संजय राऊतांना बच्चू कडूंचा खोचक टोला; म्हणाले, “जेलमध्ये एखादी मातामाय…”

सर्व प्रमुख ठिकाणी सीसीटीव्ही
दोन वर्षानंतर अधिवेशन होत असल्यामुळे नार्वेकर यांनी नागपुरातील सुरक्षा व्यवस्थेसंदर्भातील आढावा घेतला. विधिमंडळाचा संपूर्ण परिसर तसेच लोकप्रतिनिधींच्या वास्तव्याची सर्व ठिकाणे सीसीटीव्हीच्या निगराणीत असतील. मोर्चे, त्यांचे नियंत्रण, भेटीचे ठिकाण, शिष्टमंडळाच्या भेटी येथील सुरक्षेबाबत पोलीस आयुक्त अमितेशकुमार यांनी माहिती दिली. आमदार निवासात महिला आमदारांच्या सुरक्षा व्यवस्थेसंदर्भात कडेकोट बंदोबस्त ठेवण्यात येणार आहे. यावर्षी अधिवेशनासाठी दहा हजारावर पोलीस वेगवेगळ्या ठिकाणी तैनात असतील, असे त्यांनी सांगितले.