लोकसत्ता टीम
नागपूर : मध्य रेल्वे नागपूर विभागात तिकीट तपासणीस पदावर कार्यरत अल्फिया पठाणने मुष्टीयुद्ध या खेळात नागपूर आणि देशाचे नाव आंतरराष्ट्रीय पातळीवर चमकवले आहे. अलीकडे अल्फिया यांनी एशियन बॉक्सिंग कॉन्फेडरेशनद्वारे कझाकिस्तान येथे आयोजित आशियाई बॉक्सिंग चॅम्पियनशिपमध्ये २२ वर्षांखालील खेळांडूच्या गटात रौप्य पदक मिळवले.
अल्फियाने २०२३ मध्ये बिलासपूर, छत्तीसगड येथे झालेल्या ७७ व्या अखिल भारतीय आंतर रेल्वे बॉक्सिंग चॅम्पियनशिपमध्ये सुवर्णपदक जिंकले होते. तिने २०२२ मध्ये एलिट बॉक्सिंग चॅम्पियनशिपमध्ये विजय मिळवला. २०२१ मध्ये तिने युथ वर्ल्ड चॅम्पियनशिपमध्ये सुवर्णपदक जिंकून “जगातील सर्वोत्कृष्ट बॉक्सर” म्हणून खिताब मिळवला होता.
आणखी वाचा-रेल्वे गाड्यांमध्ये खाद्य पदार्थ विकणाऱ्यांवर कारवाईचा धडाका, तीन दिवसात २७ जणांना पकडले
अल्फियाचा मुष्टीयुद्ध खेळातील प्रवास लहान वयातच सुरू झाला आणि तिने राज्य, राष्ट्रीय आणि आंतरराष्ट्रीय स्तरावरील स्पर्धांमध्ये सातत्याने वर्चस्व गाजवले. २०१९ मध्ये तिने आशियाई ज्युनियर चॅम्पियनशिपमध्ये सुवर्णपदक जिंकले आणि या खेळातील एक उगवता तारा म्हणून आपली ओळख निर्माण केली. तिला आतापर्यंत १९ सुवर्ण पदके, दोन रौप्य पदके आणि तीन कांस्य पदक प्राप्त झाली आहे.
