नागपूर : पावसाचा जोर कमी होताच राज्यात विजेची मागणी किती वाढली ?

मध्यंतरी राज्यातील बहुतांश भागात चांगला पाऊस पडत असल्याने विजेची मागणी घटली होती. परंतु आता बऱ्याच भागात पावसाने उसंती दिली आहे. त्यामुळे विजेची मागणी वाढू लागली आहे. राज्यात ३० जुलैच्या दुपारी १.३० वाजता विजेची मागणी १९ हजार ८३२ मेगावॉट होती. ही मागणी १४ ऑगस्टला दुपारी २ वाजता २२ हजार ८६२ मेगावॉटपर्यंत वाढली. १८ सप्टेंबरला दुपारी २.३० वाजता राज्यात विजेची मागणी २३ हजार ६१८ मेगावाॅट नोंदवली गेली. पावसाच्या उसंतीने वातानुकूलित यंत्र, कुलर, पंखे, कृषी पंपासह विद्युत उपकरणांचा वापर वाढल्याने ही मागणी वाढली आहे.

आणखी वाचा

शेतकऱ्यांच्या प्रश्नावर थेट आंदोलन न करणाऱ्या ॲड. चटप यांना मतदार स्वीकारणार का?

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

चेंबूरमध्ये गॅस गळतीमुळे घराला आग, वृद्ध व्यक्ती जखमी

विधानसभा निवडणुकीमुळे पुण्यावर रक्तटंचाईचे सावट! रक्तपेढ्यांमध्ये पाच दिवसांचाच रक्ताचा साठा शिल्लक

रुपयाचे ८-१० टक्क्यांपर्यंत अवमूल्यनाचा अंदाज; सलग चौथ्या सत्रात घसरण; रिझर्व्ह बँकेच्या हस्तक्षेपाने मोठे नुकसान टळले

गरिबांचे पैसे गरिबांना ही काँग्रेसची हमी; तेलंगणा, हिमाचलचे मुख्यमंत्री तर कर्नाटकच्या उपमुख्यमंत्र्यांचे भाजपला प्रत्युत्तर

वसई-विरार पालिका परिसरात सलग दुसर्‍या दिवशी पैशांचा पाऊस, दोन कोटींहून अधिक रक्कम जप्त

विश्लेषण: वीजनिर्मिती प्रकल्पातील कोळशाचा दर्जा खालावतो आहे?

हे ही वाचा…नागपूरचा प्रकल्प गुजरातला जाणार हे वडेट्टीवार यांना कोणत्या सुत्रांनी सांगितले? उद्योगमंत्री उदय सामंत यांचा सवाल

बुधवारी राज्यात विजेची मागणी दुपारी २.३० वाजता २३ हजार ८१८ मेगावॉट होती. त्यापैकी २० हजार ३८५ मेगावॉट मागणी महावितरणची होती. मुंबईत विजेची मागणी ३ हजार २३३ मेगावाॅट नोंदवली गेली. एकूण मागणीच्या तुलनेत १५ हजार १५६ मेगावॉट विजेची निर्मिती राज्यात झाली. केंद्राच्या वाट्यातून राज्याला ८ हजार ५८४ मेगावॉट वीज मिळाली. राज्यात सर्वाधिक ६ हजार २३० मेगावॉट वीजनिर्मिती महानिर्मितीकडून झाली. त्यात औष्णिक वीजनिर्मिती केंद्रातील ५ हजार ८५१ मेगावॉट, उरण गॅस प्रकल्पातील २७३ मेगावॉट, जलविद्युत प्रकल्पातील ७१ मेगावॉट, सौरऊर्जेच्या २६ मेगावाॅट वीजनिर्मितीचा समावेश होता. खासगी प्रकल्पांपैकी अदानीकडून २ हजार ७६१ मेगावॅट, जिंदलकडून ९७२ मेगावॅट, आयडियलकडून २३० मेगावॅट, रतन इंडियाकडून ६३३ मेगावॅट, एसडब्ल्यूपीजीएलकडून ३८५ मेगावॅट वीजनिर्मिती करण्यात आली.

हे ही वाचा…Mpsc Exam Date 2024 : एमपीएससी राज्यसेवा पूर्व परीक्षा कधी होणार? पुढील आठवड्यात महत्त्वाची बैठक

एप्रिल महिन्यात सर्वोच्च मागणीची नोंद

महावितरणकडून यंदाच्या उन्हाळ्यात १७ एप्रिल २०२४ रोजी सर्वाधिक २५ हजार ६८ मेगावाॅट विजेची मागणी नोंदवली गेली. तर २७ फेब्रुवारीला २५ हजार २३ मेगावाॅट, २७ मार्चला २५ हजार ३५ मेगावाॅट, १९ एप्रिलला २४ हजार ८०५ मेगावाॅट, २२ मे रोजी २४ हजार ६०४ मेगावाॅट, ३ जूनला २४ हजार ४४३ मेगावाॅट विजेची मागणी नोंदवली गेली. परंतु आता ही मागणी तेव्हाच्या तुलनेत कमी झाली आहे. परंतु पाऊस लांबल्यास ही मागणी आणखी वाढण्याची शक्यता वीज क्षेत्रातील जाणकारांकडून वतर्वली जात आहे.