अमरावती : एक दिवसाचा दुखवटा; राजकुमार पटेल यांचा शिवसेना प्रवेश लांबला…

पण, ज्‍येष्‍ठ उद्योगपती रतन टाटा यांच्‍या निधनामुळे त्‍यांच्‍या सन्‍मानार्थ एक दिवसाचा दुखवटा पाळण्‍यात येणार असल्‍याने आजचे सर्व कार्यक्रम रद्द करण्‍यात आले आणि राजकुमार पटेल यांना शिवसेना प्रवेशही लांबला. मेळघाट विधानसभा मतदारसंघातून प्रहार जनशक्‍ती पक्षाच्‍या उमेदवारीवर गेल्‍या निवडणुकीत निवडून आलेले राजकुमार पटेल यांनी बच्‍चू कडू यांचे नेतृत्‍व झुगारून शिवसेना शिंदे गटासोबत जाण्‍याचा निर्णय घेतल्‍यानंतर तत्‍काळ त्‍याचे पडसाद उमटले.

आणखी वाचा

मणिपूरमध्ये पुन्हा हिंसाचार; तीन मृतदेह सापडल्यानंतर नागरिक संतप्त; राजकीय नेत्यांच्या घरांवर हल्ले

महायुतीला सत्ता मिळाली, लाडक्या बहिणींना २१०० रुपये कधीपासून…

अभिनेता गोविंदा छातीत दुखू लागल्याने रोड शो अर्धवट सोडून मुंबईत परत

गुजरातधार्जिण्या धोरणांमुळे पाच लाख रोजगार बुडाले ; शिवसेना नेते आदित्य ठाकरे यांचा आरोप

काँग्रेस नेते मुझफ्फऱ हुसेन यांच्या नावाचे बनावट पत्र; शिवसेना नेत्या शायना एनसी यांच्यावर गुन्हा दाखल

अग्रलेख: नक्की काय बुलडोझ झाले?

“सुनील केदार हे मारुतीच्या बेंबीतला विंचू”, शिवसेना नेते भास्कर जाधव यांची जहरी टीका

हे ही वाचा…चक्क पोलीस ठाण्यावरच काढला विनापरवानगी मोर्चा, पुढे घडलं काय?

शिंदे गटाने राजकुमार पटेल यांना उमेदवारी दिली, तर त्‍यांच्‍या विरोधात युवा स्‍वाभिमान पक्षाचा उमेदवार उभा करू आणि त्‍याला निवडून आणू, असा इशारा आमदार रवी राणा यांनी दिला. दुसरीकडे, त्‍यांच्‍या पत्‍नी नवनीत राणा यांनी दर्यापूर आणि मेळघाट मतदारसंघात कमळ चिन्‍ह राहील, अशी घोषणा केली.

बच्‍चू कडू यांनी महायुतीच्‍या धर्माचे पालन केले नाही, अशी टीका रवी राणा यांनी केली. बच्‍चू कडू यांच्‍या संमतीनेच राजकुमार पटेल हे शिंदे गटात गेले, असा दावा देखील त्‍यांनी केला. मेळघाटमध्ये एकतर कमळ पाहीजे, नाहीतर युवा स्वाभिमान पक्ष पाहिजे.

दर्यापूर मतदारसंघ कोणत्‍या पक्षाला मिळेल, हे निश्चित झालेले नाही. जेव्हा होईल, तेव्हा आम्ही निर्णय घेऊ. युवा स्वाभिमान पक्षाने मेळघाट आणि दर्यापूरची जागा मागितली आहे, असे रवी राणा यांचे म्‍हणणे आहे.

गेल्‍या निवडणुकीत जिल्‍ह्यातील आठ विधानसभा मतदारसंघांपैकी भाजपला केवळ एका जागेवर विजय मिळाला होता. भाजपला जिल्‍ह्यात आपले स्‍थान भक्‍कम करण्‍याची इच्‍छा आहे, पण महायुतीत जागा वाटपाच्‍या चर्चेत पेच निर्माण झाला आहे. राजकुमार पटेल यांनी शिंदे गटात प्रवेश केला, तर ती जागा भाजपला त्‍यांच्‍यासाठी सोडावी लागेल.

हे ही वाचा…बुलढाणा: बुधवार ठरला घातवार, विविध घटनांमध्ये सात जणांचा मृत्यू

दर्यापूर मतदारसंघावर आधीच शिंदे गटाचे नेते माजी आमदार अभिजीत अडसूळ यांनी दावा केला आहे. ही शिवसेनेची परंपरागत जागा आहे, असे त्‍यांचे म्‍हणणे आहे. मात्र, राणा दाम्‍पत्‍याने अडसूळ यांच्‍या उमेदवारीला विरोध दर्शविला आहे. त्‍यातच आता मेळघाटवरूनही राणा दाम्‍पत्‍य आणि राजकुमार पटेल आमने-सामने आले आहेत. प्रहार जनशक्‍ती पक्षाचे आमदार राजकुमार पटेल यांचा शिवसेना शिंदे गटातील प्रवेश गुरूवारी टळला, पण त्‍यांच्‍यासमोरील अडचणी कायम आहेत.