नागपूर : २२ जानेवारी रोजी अयोध्या येथे राम मंदिराचे रीतसर उद्घाटन पंतप्रधान नरेंद्र मोदी यांच्या हस्ते होणार आहे. या निमित्ताने संपूर्ण देशात विविध कार्यक्रम आयोजित करण्यात आले आहेत.
राम जन्मभूमीचा सोहळा राज्यभरात साजरा करण्यासाठी राज्य सरकाने २२ तारखेला शासकीय सुट्टी घोषित केली आहे. महामेट्रो यात मागे नाही. नागपूर मेट्रोतर्फे २२ जानेवारीला प्रवाशांकरिता तिकिटावर ३० % सुट जाहीर केली आहे. शासकीय रजेच्या दिवशी नागपूर मेट्रो तर्फे ३० % सुट नेहमीच दिली जाते. तोच लाभ या २२ तारखेला (सोमवारी) अयोध्या येथील सोहळ्याच्या निमित्ताने नागपूरकरांना मिळणार असून, यामुळे शहरात आयोजित कार्यक्रमांमध्ये सहभागी होण्याकरता नागरिकांना एका भागातून दुसऱ्या भागात प्रवास करणे अधिकच सोपे होणार आहे.
हेही वाचा – नागपूर: वाहून गेलेल्या मुलाचा अखेर मृतदेहच गवसला…
नागपूरकरांनी याचा फायदा घेत कार्यक्रमात सहभागी होण्याकरता नागपूर मेट्रोचा वापर करावा हे आवाहन नागपूर मेट्रो करीत आहे. मेट्रो सेवा ठरलेल्या वेळे प्रमाणे सकाळी ६ ते रात्रो १० पर्यंत नेहमीप्रमाणे उपलब्ध असेल.