पावसाळ्याच्या दिवसात सरपटणारे प्राणी बिळातून बाहेर येतात. पावसाचे पाणी बिळात गेल्याने हे प्राणी बाहेर येत असतात, अनेकदा तर घरातील अडगळीच्या ठिकाणी हे प्राणी ठाण मांडून बसले असतात. एखाद्याचे चुकूनही त्यावर पाय पडल्यास ते बचावासाठी हल्ला करतात. साप डंख मारतो आणि अनर्थ होतो. हीच भीती असल्याने नागपुरातील पिपळा फाटा परिसरात साप दिसल्यानंतर एकच तारांबळ उडाली.
हेही वाचा >>> चिखल महोत्सव: ‘बालपण भारी देवा’ म्हणत आदर्श इंग्लिश शाळेची मुलं रंगली चिखलात
पिपळा फाटा येथील दीपलक्ष्मी सभागृहात जवळ दुर्मिळ प्रजातीचा एक साप आढळून आला. तो ठिपकेदार पिवळा रंग आणि लांबलचक होता. त्याला बघून परिसरातील नागरिक घाबरले. आपल्या घराच्या दिशेने येऊ नये म्हणून सगळे प्रयत्न करू लागले. दरम्यान येथील क्रिश देउलकर यांनी सर्पमित्र प्रतिक धवड यांना कळवले.
हेही वाचा >>> ग्लासासह ताम्हणाची मागणी वाढली कारण अधिक महिन्यात…
प्रतिक धवड, धीरज मिस्किन व तुषार पाटील घटनास्थळी पोहचले. त्यांनी सापाला पकडले आणि दूर जंगलात सोडून दिले. हा साप अलबिनो चेकर्ड किल ब्याक (धोंड्या ) प्रजातीचा असल्याचे सर्पमित्र प्रतिक धवड यांचे म्हणणे होते.
