रविकांत तुपकर भूमिगत! निवासस्थानी बंदोबस्त; उद्या रेल्वे रोको आंदोलन

बुलढाणा: शेतकऱ्यांच्या विविध मागण्यांसाठी १९ जानेवारीला रेल्वे रोकोची घोषणा करणारे शेतकरी नेते रविकांत तुपकर हे भूमिगत झाले! त्यामुळे रविकांत तुपकर यांना ताब्यात घेण्याचे पोलिसांचे संभाव्य मनसुबे उधळल्या गेले असून सध्या रविकांत तुपकर यांच्या निवासस्थानी बंदोबस्त तैनात करण्यात आला आहे.

आणखी वाचा

कल्याण पूर्वेत थकबाकीदारांच्या मालमत्तांना टाळे

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

रिंग रोडसाठी २०० हेक्टर भूसंपादन बाकी; ५०० कोटींच्या निधीची रस्ते विकास महामंडळाकडे मागणी

येरवड्यातील खुल्या कारागृहातून जन्मठेपेची शिक्षा सुनावलेला कैदी पसार

पूरग्रस्त एकतानगरीचे होणार स्थलांतर नक्की कधी आणि कुठे?

फ्लेमिंगोंच्या अधिवासात रस्ता नको, राज्य सरकारच्या पाहणी पथकाच्या अहवालात खाडीकिनारचा रस्ता बंद करण्याची शिफारस

पिंपरी : जिजामाता रुग्णालयातील रकमेचा अपहार; लिपिकाची खातेनिहाय चौकशी

परळीतून भाजप नेत्याच्या मुलाचे अपहरण; दोन कोटींच्या खंडणीची मागणी

सोयाबीन, कापसाच्या दरवाढीसह इतर मागण्यांकडे शासनाचे दुर्लक्ष कायम असल्याने मलकापूर येथे उद्या, शुक्रवारी रेल्वे रोको आंदोलनाची घोषणा रविकांत तुपकर यांनी केली होती. मुंबई, दिल्ली व गुजरातकडे जाणाऱ्या रेल्वे रोखणार असल्याचे रविकांत तुपकर यांनी जाहीर केले. दरम्यान, शेगाव लोहमार्ग पोलीस ठाण्याचे सहायक पोलीस निरीक्षक पंढरीनाथ मगरे यांनी काल, बुधवारी रविकांत तुपकर यांची भेट घेतली. त्यांनी ‘सीआरपीसी’ कलम १४९ नुसार तुपकरांना नोटीस बजावली. रेल्वे वाहतुकीस अडथळा, प्रवाशांच्या जीवास धोका अथवा रेल्वेच्या संपत्तीचे नुकसान झाल्यास कारवाई करण्यात येईल, असा इशारा देण्यात आला.

आणखी वाचा-नॅशनल जिओग्राफिक चॅनलची चिमुरडी कलाकार चार्वी आता झळकली इंडिया बुक ऑफ रेकॉर्डमध्ये 

दरम्यान, या नोटीसवर सही करणारे रविकांत तुपकर भूमिगत झाल्याचे आज गुरुवारी निष्पन्न झाले. पोलिसांकडून अटकाव होण्याची कुणकुण लागताच रविकांत तुपकर भूमिगत झाले आहेत. पोलीस रविकांत तुपकर यांचा कसून शोध घेत आहेत. बुलडाणा पोलिसांनी रविकांत तुपकर यांच्या निवासस्थानी बंदोबस्त तैनात केला आहे.