उद्धव ठाकरे आणि नितीन राऊत यांचे फोटो असलेले बॅनर हटवा; कोणी केली अशी मागणी, काय आहे प्रकरण?

राज्यातील गरजू जनतेला सवलतीच्या दरात जेवण उपलब्ध करून देण्यासाठी माजी मुख्यमंत्री उद्धव ठाकरे यांनी २६ जानेवारी २०२० मध्ये शिवभोजन थाळी योजना सुरू केली. राज्यातील विविध शहरात ही योजना राबविली जात आहे. ज्या ठिकाणी ही योजना राबविली जात आहे तिथे लावण्यात आलेल्या फलकावर अजुनही माजी मुख्यमंत्री उद्धव ठाकरे आणि माजी मंत्री नितीन राऊत यांचे छायाचित्र लावण्यात आले आहे.

हेही वाचा >>> “संघाचा पाया त्यागावर उभा कारण…”; सरसंघचालक डॉ. मोहन भागवत यांचे विधान, म्हणाले…

हे फलक तात्काळ हटविण्यात यावे अशी मागणी दिनदयाल प्रतिष्ठानचे सुबोध आचार्य व श्याम चांदेकर यांच्या नेतृत्वात शिष्टमंडळाने देवगिरी येथे देवेंद्र फडणवीस यांची भेट घेऊन निवेदन दिले. राज्यात महाविकास आघाडी सरकार जाऊन दीड वर्षापेक्षा जास्त काळ झाला आहे. सध्या महाराष्ट्रात महायुतीचे सरकार असताना मुख्यमंत्री एकनाथ शिंदे यांच्यासह उपमुख्यमंत्री देवेंद्र फडणवीस आणि अजित पवार यांचे छायाचित्र असलेले शिव भोजन थालीचे फलक लावण्यात यावे अशी मागणी फडणवीस यांच्याकडे केली. यावेळी हेमंत बरडे, राहुल खंगार, दिपांशु लिंगायत, सचिन सावरकर, अथर्व त्रिवेदी रुपेश हेडाऊ उपस्थित होते.