गळालेल्या संत्र्यांपासूनही होणार उत्पादन, मिळणार पूर्ण भाव; नेमके संशोधन काय, जाणून घ्या…

इंडियन सोसायटी ऑफ सिट्रिकल्चरच्यावतीने नागपूरमध्ये दोन दिवसीय ‘एशियन सिट्रस कॉँग्रेस-२०२३’ आयोजित करण्यात आली आहे. यामध्ये देश विदेशातील संत्री उत्पादक संस्था, तज्ज्ञ यांनी सहभाग घेतला. परिषदेच्या अंतर्गत वर्धेतील एमगिरी संस्थेद्वारे फळगळती झालेल्या संत्र्यांबाबत विशेष सादरीकरण करण्यात आले. फळगळती ही शेतकऱ्यांना भेडसावणारी मोठी समस्या आहे. गळलेल्या फळांना बाजारात योग्य भाव न मिळाल्याने अनेक संत्री उत्पादक हवालदिल होतात. या कारणामुळे शेतकरी संत्री उत्पादनापासून दूर जात असून याचा थेट परिणाम एकूण उत्पन्नावर होतो. शेतकऱ्यांच्या या समस्येवर तोडगा काढण्याचे काम एमगिरीने केले आहे. एमगिरीमधील वरिष्ठ वैज्ञानिक अधिकारी डॉ. प्रशांत तायडे यांनी या संशोधनाबाबत माहिती दिली. एमगिरीचे संचालक डॉ. आशीष मुरकुटे यांच्या मार्गदर्शनात एमगिरीमधील रासायनिक ग्रामोद्योग विभागात हे संशोधन झाले असून संत्री उत्पादक शेतकऱ्यांसाठी फायदेशीर बाब ठरणार आहे, असे डॉ. तायडे म्हणाले.

आणखी वाचा

कोथिंबिरेच्या दरात घट; मेथी तेजीत, फळभाज्यांचे दर स्थिर

D. Y. Chandrachud : संजय राऊतांच्या टीकेवर माजी…

विरोधकांचे ‘सोयाबीन अस्त्र’ ‘लाडक्या बहीण’चा प्रभाव रोखणार ?

क्षेत्र अभ्यास अजब रसायन बाजार

विश्लेषण: सोयाबीनच्या हमीभावावरून शेतकऱ्यांची नाराजी का? ७० हून अधिक मतदारसंघांमध्ये ठरणार निर्णायक मुद्दा?

शेतकऱ्यांच्या प्रश्नावर थेट आंदोलन न करणाऱ्या ॲड. चटप यांना मतदार स्वीकारणार का?

नारळाच्या शेंड्या काढून वैतागलात? ‘हा’ सोपा जुगाड एकदा वापरा अन् झटक्यात होईल काम

हेही वाचा >>> अवघ्या दोन तासात सोन्याच्या दरात ३०० रुपयांची घसरण, ‘हे’ आहेत आजचे दर

‘हे’ उत्पादन होणार

फळगळती झालेल्या संत्र्यापासून चार प्रकारचे उत्पादन घेतले जाईल. खाण्यायोग्य फायबर, तेल यांची निर्मिती संत्र्यांपासून केली जाईल. याशिवाय खाद्य उद्योगात आवश्यक असलेले ‘पेक्टिन’ची निर्मिती देखील केली जाईल. हृदयरोग, रक्तवाहिन्यांसंबंधित आजारावर वापरली जाणारी ‘हेस्पिरिडीन’ औषधाची निर्मिती सुद्धा करण्यात येणार आहे. शेतकऱ्यांना फळगळती झालेल्या संत्र्यांचाही पूर्ण भाव या माध्यमातून मिळणार आहे. एमगिरीमध्ये या उत्पादकांसाठी लघुउद्योग यंत्रणेची निर्मिती केली जाण्याची शक्यता आहे. एमगिरीमध्ये लवकरच याबाबत कार्यशाळा आयोजित केली जाईल, अशी माहिती डॉ. तायडे यांनी दिली.