अमरावती: जिल्‍हा सहकारी बँकेच्‍या अध्‍यक्ष, उपाध्‍यक्षांचे राजीनामे; चर्चा मात्र राजकीय कारणांची…

अमरावती : जिल्हा मध्यवर्ती सहकारी बँकेच्या अध्यक्ष व उपाध्यक्षांनी आपले राजीनामे दिल्‍याने राजकीय वर्तुळात वेगळीच चर्चा रंगली आहे. जिल्हा बँकेचे अध्यक्ष सुधाकर भारसाकळे व उपाध्यक्ष सुरेश साबळे यांनी दोन दिवसांपूर्वी आपले राजीनामे सादर केले. उद्या बुधवारी २१ जून रोजी होणाऱ्या संचालक मंडळाच्या बैठकीत या राजीनाम्यांवर चर्चा केली जाणार आहे. राजकीय तडजोड म्‍हणून अध्यक्ष व उपाध्यक्षांचे राजीनामे घेण्यात आल्याची चर्चा आहे.

आणखी वाचा

आमदाराच्या नावाने कंपनी मालकाकडे पैशांची मागणी

महायुतीला सत्ता मिळाली, लाडक्या बहिणींना २१०० रुपये कधीपासून…

पनवेल : प्रवाशांच्या समस्यांचा मुद्दा प्रचारातून गायब, रिक्षाचालकांकडून प्रवाशांची लूट, असुरक्षित प्रवासाबाबत सर्वपक्षीय नेते गप्पच

बॅग तपासणीवरून नवे वादंग; नाहक त्रास देण्याचा प्रयत्न, महाविकास आघाडीचा आरोप, विरोधकांकडून केवळ राजकारण : महायुतीचे प्रत्युत्तर

आरक्षणावर सर्वोच्च न्यायालय विरुद्ध सारे राजकीय पक्ष

पायाला फ्रॅक्चर, गोल्फ कार्टवर मतदारसंघात प्रचार; महाराष्ट्रातील सर्वात श्रीमंत उमेदवाराची जोरदार चर्चा!

लक्षवेधी लढत : कुडाळमध्ये राणेंच्या वर्चस्वाचा कस

२०२१ मध्ये जिल्हा मध्यवर्ती सहकारी बँकेच्या नवीन संचालक मंडळाची निवडणूक चांगलीच चुरशीची ठरली होती. त्यावेळी तत्कालीन पालकमंत्री अॅड. यशोमती ठाकूर, काँग्रेसचे जिल्हाध्यक्ष बबलू देशमुख, माजी आमदार प्रा. वीरेंद्र जगताप यांच्‍या पॅनल विरोधात आमदार बच्चू कडू, राष्ट्रवादीचे प्रदेश सरचिटणीस संजय खोडके यांच्या नेतृत्‍वातील पॅनलशी चुरशीची लढत झाली होती. त्यामध्ये बबलू देशमुख यांच्या सहकार पॅनलने १२ जागा मिळविता बँकेवर आपला झेंडा रोवला होता. अध्यक्ष व उपाध्यक्षपदाची निवडणूक ऑक्टोबर २०२१ मध्ये झाली. त्यामध्ये अध्यक्षपदी सुधाकर भारसाकळे यांची, तर उपाध्यक्षपदी सुरेश साबळे यांची निवड झाली होती. आता दीड वर्षानंतर अध्यक्ष व उपाध्यक्षांनी आपल्या पदांचे राजीनामे दिल्याने त्‍यामागील राजकीय कारणांची चर्चा रंगली आहे.

मात्र निवडून आलेल्या पॅनलमधील इच्छुकांना अध्यक्ष तथा उपाध्यक्षपद भूषविता यावे, यासाठी दीड वर्षाचा कार्यकाळ निर्धारित करण्यात आला होता. त्या अनुषंगाने अध्यक्ष व उपाध्यक्षांनी आपले राजीनामे सादर केले, असे स्‍पष्‍टीकरण कॉंग्रेसचे जिल्‍हाध्‍यक्ष बबलू देशमुख यांनी दिले आहे.