लोकसत्ता टीम वर्धा : वर्धा-नागपूर मार्गावर पवनारसमोर झालेल्या अपघातात अवधूत वैरागडे (६०) आणि त्यांची पत्नी चित्रा (५५) यांचा मृत्यू झाला. जिल्हा परिषदेचे निवृत्त शिक्षक असलेले वैरागडे हे पत्नी चित्रासह भाचीच्या लग्न सोहळ्यासाठी गेले होते. कार्यक्रम आटोपल्यानंतर ते केळझर येथे परत येण्यासाठी आपल्या दुचाकीने निघाले. त्याचवेळी मागून येणाऱ्या कारने त्यांच्या दुचाकीस मामा-भांजा समाधीसमोर जोरदार धडक दिली. त्यात वैरागडे हे जागीच ठार झाले तर पत्नी चित्रा यांचा सेवाग्राम रुग्णालयात उपचारादरम्यान मृत्यू झाला. ठाणेदार संतोष चव्हाण यांनी घटनास्थळी भेट देत कारवाई सुरू केली.
