नागपूर : देशातील रस्ते आता विमा, भविष्य निर्वाह निधीच्या पैशातून; नितीन गडकरी यांची माहिती 

देशातील रस्ते आता सर्वसामान्य नागरिकांच्या विमा, भविष्य निर्वाह निधीच्या पैशातून बनवले जाणार आहेत, अशी माहिती  केंद्रीय मंत्री नितीन गडकरी यांनी दिली. विदर्भ साहित्य संघाच्या अमेय सभागृहात शनिवारी झालेल्या ‘यश आपयश’ भाग ३ या पुस्तकाच्या प्रकाशन समारंभात ते बोलत होते. याप्रसंगी मंचावर सामाजिक कार्यकर्ते डॉ. गिरीश गांधी, दत्ता मेघे अभिमत विद्यापीठाचे कुलगुरू डॉ. वेदप्रकाश मिश्रा, विदर्भ साहित्य संघाचे अध्यक्ष प्रदीप दाते, लाखे प्रकाशनचे चंद्रकांत लाखे, अजय कुलकर्णी उपस्थित होते.