वाहनकोंडीमुळे ‘ संजुबा’च्या विद्यार्थ्यांना अपघाताचा धोका

चक्रधरनगरात व्यंकटेश सभागृहाच्या बाजूला संजुबा माध्यमिक शाळा आहे. या शाळेत जवळपास हजारांवर विद्यार्थिनी शिक्षण घेतात. या शाळेचे प्रवेशद्वार चक्रधरनगर चौकाच्या अगदी १० फूट अंतरावर आहे. ते आकाराने खूपच लहान असल्यामुळे विद्यार्थ्यांची गर्दी प्रवेशद्वारासमोरच होते. त्यात शाळेच्याच रस्त्यावर दत्तात्रयनगर उद्यान किंवा सक्करदरा तलाव असल्याने वाहनांची वर्दळसुद्धा असते. रस्त्यावरील वाहने, शाळेत मुलांना सोडण्यासाठी आलेले पालक व सायकलने आलेल्या विद्यार्थिनींची शाळेसमोर गर्दी होते.  शाळा सुटल्यानंतर संपूर्ण चौक विद्यार्थिनी आणि पालकांच्या वाहनांनी गजबजलेला असतो. त्या रस्त्यावरून वाट काढण्यास वाहनचालकांना मोठी कसरत करावी लागते. प्रवेशद्वाराजवळ शिक्षक व सुरक्षारक्षक उपस्थित असतात. मात्र, विद्यार्थिनींची संख्या बरीच मोठी असल्यामुळे ते पुरेसे नाही. त्यामुळे भविष्यात कोणतीही अनुचित घटना घडू नये म्हणून वाहतूक पोलिसांनी या चौकातील वाहतूक कोंडीवर तोडगा काढणे गरजेचे आहे.

आणखी वाचा

Kerala Ban On Digital Notes : आता पालकांच्या व्हॉट्सअ‍ॅपवर येणार नाही मुलांचा गृहपाठ, डिजिटल स्वरुपातील नोट्सवर बंदी; ‘या’ राज्याने घेतला निर्णय!

“आम्ही अमिताभ बच्चन यांना आणून राजेश खन्नाचे करिअर…

जेईईत अव्वल गुण मिळवणाऱ्या विद्यार्थ्यांची आयआयटी मुंबईला पसंती

भरधाव वाहनांमुळे विद्यार्थी भयभीत! नागपुरातील ‘या’ शाळेसमोरील स्थिती; अपघाताची टांगती तलवार…

सर्वकार्येषु सर्वदा : हुशार, गरजू विद्यार्थ्यांसाठी विद्यादानाचा निरंतर यज्ञ

नागपूर: आरोग्य विद्यापीठाकडून डॉक्टरांना कौशल्य विकासासाठी ‘डीएचएफसी’सक्ती

कल्याणमध्ये अल्पवयीन विद्यार्थिनीची छेड काढणाऱ्या रिक्षा चालकाविरुद्ध गुन्हा

UP School : धक्कादायक! डब्यात नॉनव्हेज आणल्यामुळे विद्यार्थ्याला शाळेतून काढून टाकलं; नेमकी कुठे घडली घटना?

हेही वाचा >>> गडकरींची कबुली, विदर्भात पाचशे-हजार कोटी गुंतवणूक करणारे सापडत नाही …

सभागृह-उद्यानामुळे गर्दी

ताजबाग परिसरात सभागृह व उद्यानांची संख्या जास्त आहे.   शाळेच्या बाजूला व्यंकटेश सभागृह आहे. शाळेच्या काही अंतरावर दत्तात्रयनगर उद्यान व सक्करदरा तलाव आहे. त्यामुळे या परिसरात ये-जा करणाऱ्या नागरिकांची वर्दळ असते.

खाद्यपदार्थांची दुकाने पदपथावर

शाळेच्या रस्त्यावर खाद्यपदार्थ विक्रेत्यांची जवळपास ४० वर दुकाने आहेत. सकाळी व सायंकाळी मोठ्या प्रमाणात खवय्ये या परिसरात येतात.

प्रवेशव्दार अरूंद

शाळा प्रशासनाने प्रवेशद्वार मोठे केल्यास चौकातील कोंडीवर तोडगा निघू शकतो. तसेच पालकांनीही अगदी शाळेच्या प्रवेशद्वारापर्यंत वाहने नेता कामा नये. वाहतूक पोलिसांनीहीसुद्धा या भागात गस्त घातल्यास विद्यार्थ्यांना सोयीचे ठरेल, असे लक्ष्मण बालपांडे (वाहनचालक) म्हणाले.

पोलीस तैनात करण्याचे आश्वासन

चौकात वाहतूक कोंडी होऊ नये म्हणून नव्याने उपाययोजना आखण्यात येतील. दोन वाहतूक पोलीस कर्मचारी वर्दळीच्या रस्त्यावर गस्त घालण्यासाठी तैनात करण्यात येईल, असे  भारत कऱ्हाडे (पोलीस निरीक्षक, सक्करदरा वाहतूक शाखा) म्हणाले.