नागपूर : भारतीय विद्या भवन शाळेतील (आष्टी) सारंग नागपुरे (८) रा. जयताळा या विद्यार्थ्याचा गुरुवारी दुपारी दुर्दैवी मृत्यू झाला. १ नोव्हेंबरला त्याचा वाढदिवस होता. शालेय परीक्षेमुळे हा कार्यक्रम नंतर करण्याचे नियोजन होते. परंतु आधीच त्याचा मृत्यू झाल्याने नागपुरे कुटुंबीयांना अश्रू अनावर झाले.
हेही वाचा – मराठ्यांचे आंदोलन शांत होताच आता वीज कर्मचाऱ्यांचे आंदोलन; ‘या’ आहेत मागण्या..
हेही वाचा – अकोला : पारंपरिक इंधनाच्या वाहनांकडेच अधिक कल, सणासुदीच्या काळात सर्वाधिक विक्री
सारंगचे वडील अभियांत्रिकी महाविद्यालयात प्राध्यापक असून आई उच्च न्यायालयात वकिली करते. सारंगला एक मोठा भाऊ असून तोही याच शाळेत शिकतो. सारंगचा १ नोव्हेंबरला वाढदिवस होता. त्याला वाढदिवसाच्या कार्यक्रमात सर्व मित्रांना बोलावून धम्माल करायची होती. परंतु परीक्षा सुरू असल्याने त्याच्या आई-वडिलांनी समजूत काढत त्याला परीक्षेनंतर वाढदिवस साजरा करण्याचे आश्वासन दिले होते. परंतु २ नोव्हेंबरला ही दुर्दैवी घटना घडली.
