३१ वर्षांनी एकत्र आलेल्या शाळकरी मित्रांना बबलीच्या तिन्ही बछड्यांचे दर्शन

एकत्र आलेल्या या शाळकरी मित्रांनी ताडोबा बफर झोन मधील नवेगाव गेटमधून जंगल सफारी केली. अगदी काही वेळातच बबलीच्या पिल्लांचे दर्शन झाले. यावेळी तिन्ही बहीण-भाऊ ऐटीत बसले होते. या तिन्ही बबलीच्या लेकरांच्या वेगवेगळ्या अदा बघून सारेच मित्र फिदा झालेत. आणि न कळत सर्वांच्या मुखातून एकाचवेळी वाक्य आले “व्वा क्या बात है! ते हेच. त्याचे असे झाले की वरोरा येथील आनंद निकेतन महाविद्यालयात सन १९९१-९२ मध्ये इयत्ता बारावीत शिक्षण झालेल्या मित्रांचे चिमूरजवळील तुकूम येथील टायगर इंम्पायर रिसॉर्टमध्ये नुकतेच स्नेहमिलन झाले.

हेही वाचा… देशात वीज पडून सर्वाधिक मृत्यू महाराष्ट्रात; झाडाखाली थांबल्यामुळे ७१ टक्के लोकांचे मृत्यू

डॉ. हेमंत खापणे, प्रवीण पिंपळकर, संदीप व्यापारी, अरूण उमरे, जितेंद्र निखाते, विजय मिलमिले, संदीप पाटील, डॉ. उमेश पल्लीकुंडावार, मनोज लभाने, डॉ. संजय पंडागळे, किशोर पारखी, अनिल बोबडे, विलास बोबडे, राजेश मानकर, अनुज चोपडे, दिनेश चहारे, दिलीप तितरे, आशिष देवाळकर, ज्ञानेश्वर माटे, महेंद्र खिरटकर, योगेश पिदुरकर, संदीप सातपुते आदी मित्रांनी नवेगाव गेटमधून जंगल सफारी केली.

हेही वाचा… वैद्यकीय महाविद्यालयासाठी हिंगणघाटकर धडकले मुंबईत; आझाद मैदानात आंदोलन

ताडोबामध्ये पावसाळ्याच्या दिवसात वाघांचे दर्शन होत नाही, हा कित्येकांचा अनुभव आहे. पण एकतीस वर्षानंतर एकत्र आलेल्या मित्रांना एकाचवेळी तीन बछड्यांनी दर्शन देऊन भुरळ पाडली. केवळ भुरळ पाडली नाही तर आपल्या अदांनीही सर्वांनाच खुश केले. नवेगाव गेट हा बबली वाघीणीचा परिसर आहे. तिला तिन बछडे आहेत. त्यांचे वय साधारणतः अकरा महिने आहे. ही तिन्ही भावंड नेहमीच मौजमस्ती करतात, अशी माहिती गाईड बंडू खोब्रागडे यांनी दिली. या तिन्ही भावंडांच्या मौजमस्तीला वरोरा येथील डॉ. हेमंत खापणे यांनी आपल्या कॕमेरामध्ये कैद केले. त्यानीच आमच्या जंगल सफारीच्या आठवणी ताज्या केल्यात.

हेही वाचा… यवतमाळ जिल्ह्यात मुसळधार; अनेक मार्ग बंद, शाळांना सुट्टी

डॉ. हेमंतची फोटोग्राफी उत्तम आहे. त्याचबरोबर तो विनोदही करत असतो. तो सोबत असल्याने आमचीही जंगल सफारी मजेदार झाली.बबलीच्या परिवारासोबत आम्ही सर्वांनी तब्बल दोन तास घालवली. त्या ठिकाणाहून आमचा पाय निघत नव्हता. पण सफारीचा वेळ झाल्याने आम्हाला निघावे लागले. बबलीच्या तिन्ही बछड्यांना टाटा बाय-बाय करत निरोप घेतला तो पुन्हा भेटू या आशेनं! अशी माहिती अरुण उमरे यांनी दिली.