इंजिनीअरिंगच्या दुसऱ्या फेरीच्या प्रवेशाचा निकाल जाहीर, या विद्यार्थ्यांना जागांचे वाटप

नागपूर : राज्यातील अभियांत्रिकी महाविद्यालयांमध्ये विविध प्रकारचे एकूण ९८ अभ्यासक्रम उपलब्ध आहेत. त्यात संगणक अभियांत्रिकी अभ्यासक्रमाकडे विद्यार्थ्यांचा सर्वाधिक कल असून, त्याशिवाय संगणकाशी संबंधित विदा विज्ञान, कृत्रिम बुद्धिमत्ता अशा अभ्यासक्रमांना पसंती मिळत आहे.

आणखी वाचा

शैक्षणिक सहलींसाठी शिक्षणाधिकाऱ्यांकडून दक्षतेची सूचना

कल्याण मारहाण प्रकरण: “तो म्हणाला मुख्यमंत्री कार्यालयातून एक…

सेवानिवृत्तवेतन धारकांच्या मदतीला टपाल विभाग, जिल्ह्यात १७०० पेक्षा अधिक जणांना डीएलसी योजनेचा लाभ

२९ गावांचा वसई विरार महापालिकेत समावेश, ३१ हजार हरकतींवर जिल्हाधिकारी कार्यालयात सुनावणी

म्हाडा कोकण मंडळ सोडत २०२४ : २२६४ घरांच्या सोडतीला अखेर १५ दिवसांची मुदतवाढ, २५ डिसेंबरपर्यंत अर्जविक्री-स्वीकृती प्रक्रिया

विद्यार्थ्यांनो अंतिम मुदतवाढ, अन्यथा,,

गाळप करणाऱ्या कारखान्यांची संख्या घटली; जाणून घ्या, यंदाच्या हंगामातील सद्यस्थिती

६८ तास अभ्यास करून विद्यार्थ्यांची डॉ. बाबासाहेब आंबेडकरांना आदरांजली

राज्य समाइक प्रवेश परीक्षा कक्षातर्फे (सीईटी सेल) अभियांत्रिकी अभ्यासक्रमांच्या प्रथम वर्षाची केंद्रीभूत प्रवेश प्रक्रिया राबवण्यात येत आहे. इंजिनीअरिंग अभ्यासक्रमाच्या प्रवेशासाठी दुसऱ्या फेरीत १ लाख ४२ हजार ५४४ विद्यार्थ्यांना जागांचे वाटप करण्यात आले असून, १९ हजार २८ विद्यार्थी अद्यापही प्रवेशासाठी कॉलेज मिळण्याच्या प्रतीक्षेत आहेत, असे राज्य सामाईक प्रवेश परीक्षा कक्षातर्फे (सीईटी) देण्यात आलेल्या आकडेवारीवरून स्पष्ट झाले आहे.

आणखी वाचा-चंद्रपूर : ब्रम्हपुरीतील तिघांची पोलीस उपनिरीक्षकपदी वर्णी, हलाखीच्या परिस्थितीवर मात

या फेरीतील कॉलेजांमधील जागांचे वाटप

राज्यात यंदा इंजिनीअरिंगसाठी १ लाख ६१ हजार ५७२ जागा उपलब्ध आहेत. त्यानुसार या अभ्यासक्रमाच्या प्रवेशासाठी यंदा १ लाख ९२ हजार ३९८ विद्यार्थ्यांनी नोंदणी केली आहे. यातील पहिल्या फेरीत १,७६,१११ विद्यार्थ्यांनी कॅप फेरीसाठी अर्ज भरून कॉलेजचे पसंती क्रमांक नोंदविले होते. पहिल्या फेरीत यातील १ लाख २६ हजार ४५८ विद्यार्थ्यांना कॉलेजांतील जागांचे वाटप करण्यात आले होते. यातील २८ हजार ७०९ विद्यार्थ्यांनी प्रवेश निश्चित केले आहेत. दरम्यान, या जागांवरील प्रवेशासाठी सीईटी सेलने २० ते २२ ऑगस्टदरम्यान दुसरी कॅप फेरी घेतली. या फेरीतील कॉलेजांमधील जागांचे वाटप सीईटी सेलने सोमवारी जाहीर केले.

आणखी वाचा- गुजरातच्या कंपनीकडून बोगस खत विक्री, पुण्यातील कंपनीच्या संचालकांसह चार विक्रेत्यांवर गुन्हा दाखल

या १९ हजार विद्यार्थ्यांची अडचण काय?

या फेरीसाठी तब्बल १ लाख ६५ हजार विद्यार्थ्यांनी कॅप फेरीसाठी अर्ज भरून पसंती क्रमांक सादर केले होते. त्यातील १ लाख ४२ हजार ५४४ विद्यार्थ्यांना जागांचे वाटप करण्यात आले आहे, तर १९ हजार २८ विद्यार्थ्यांना कोणतेही कॉलेज मिळू शकले नाही, अशी माहिती अधिकाऱ्यांनी दिली. यंदा ३ लाख ७९ हजार ८०० विद्यार्थ्यांनी इंजिनीअरिंग प्रवेशासाठी महत्त्वपूर्ण असलेली पीसीएम ग्रुपची सीईटी परीक्षा दिली होती, तर गेल्यावर्षी इंजिनीअरिंगसाठी एक लाख ५९ हजार ३१७ जागा उपलब्ध होत्या. त्यामध्ये गेल्यावर्षी १ लाख १७ हजार ९३८ विद्यार्थ्यांनी इंजिनीअरिंगला प्रवेश घेतले होते, तर ४१ हजार ३७९ जागा रिक्त राहिल्या होत्या. इंजिनीअरिंगच्या कॅप फेऱ्यांसाठी गेल्यावर्षीपेक्षा अधिक विद्यार्थ्यांनी नोंदणी केली आहे. त्यातून यंदा जागा भरल्या जातील, अशी आशा व्यक्त होत आहे.