अमरावती: शिक्षण उपसंचालक कार्यालयातील लाचखोर वरिष्ठ लिपिक गजाआड

अमरावती: वैद्यकीय प्रतिपूर्तीचे बिल मंजूर करून देण्यासाठी १३ हजार रुपयांची लाच स्वीकारणाऱ्या शिक्षण उपसंचालक कार्यालयातील लाचखोर वरिष्ठ लिपिकास लाचलुचपत प्रतिबंधक विभागाच्या पथकाने बुधवारी अटक केली.

आणखी वाचा

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

Devendra Fadnavis Income : उपमुख्यमंत्र्यांची एकूण संपत्ती किती?…

“…तेव्हा माझा एन्काऊंटर करण्याचा डाव होता”, सदाभाऊ खोत यांचा खळबळजनक आरोप!

फडणवीस म्हणाले, “पाटणी पुत्राची समजूत घालण्याचा प्रयत्न केला, पण…”

Video : निक्कीला भेटण्यासाठी मुंबईत आला घन:श्याम! अरबाजला चुकून ‘या’ नावाने मारली हाक अन्…; पुढे काय घडलं?

BJP Worker : भाजपा कार्यकर्त्याचा रक्ताने माखलेला मृतदेह कार्यालयात सापडल्याने खळबळ, महिला अटकेत; कुठे घडली घटना?

Ashok Pawar : आमदार अशोक पवार यांच्या मुलाचं अपहरण करून मारहाण केल्याचा गंभीर आरोप; राजकारणात खळबळ

Sanjay Raut : “महायुतीला जिंकवण्यासाठी पोलीस व गुंडांच्या बैठका”, राऊतांचे आरोप; यादी देण्यास तयार, वरिष्ठ अधिकाऱ्याला म्हणाले, “सरकार बदलल्यावर…”

रुपेश प्रतापसिंग ठाकूर (३३) असे अटक करण्यात आलेल्या लाचखोर वरिष्ठ लिपिकाचे नाव आहे. वाशीम जिल्ह्यातील कारंजा येथील रहिवासी तक्रारकर्ते हे मानोली येथील एका कनिष्ठ महाविद्यालयात कनिष्ठ लिपिक पदावर कार्यरत आहेत. त्यांच्या आजारी वडिलांवर मुंबईतील एका रुग्णालयात उपचार करण्यात आले. त्यासाठी आलेल्या ३ लाख ३७ हजार ९१८ रुपयांच्या खर्चाचे वैद्यकीय प्रतिपूर्तीचे बिल मंजूर करून देण्यासाठी शिक्षण उपसंचालक कार्यालयात कार्यरत वरिष्ठ लिपिक रुपेश ठाकूर याने त्यांना १५ हजार रुपयांच्या लाचेची मागणी केली. याबाबत त्यांनी लाचलुचपत प्रतिबंधक विभागाकडे तक्रार केली.

हेही वाचा… भरमसाठ वीज देयक आले, आपणच आपले देयक तपासा… पद्धत काय?

तक्रारीच्या अनुषंगाने करण्यात आलेल्या पडताळणीत रुपेश ठाकूर याने तडजोडीअंती १३ हजार रुपयांच्या लाचेची मागणी करून ती स्वीकारण्याची तयारी दर्शविल्याचे निष्पन्न झाले. त्यानुसार लाचलुचपत प्रतिबंधक विभागाच्या पथकाने बुधवारी शिक्षण उपसंचालक कार्यालयातील माध्यमिक विभागाच्या कक्ष क्रमांक ४ मध्ये सापळा रचून रुपेश ठाकूर याला तक्रारकर्त्याकडून १३ हजार रुपयांची लाच स्वीकारताना अटक केली. त्याच्याविरुद्ध कोतवाली ठाण्यात गुन्हा दाखल करण्यात आला. ही कारवाई पोलीस निरीक्षक योगेशकुमार दंदे व अमोल कडू, नंदकिशोर गुल्हाने, आशिष जांभोळे, शैलेश कडू, सतीश किटुकले, चंद्रकांत जनबंधू यांनी केली.