नागपूर : प्रेमसंबंध कायम ठेवण्यास नकार देणाऱ्या महिलेला अश्लील छायाचित्र समाजमाध्यमांवर प्रसारित करण्याची धमकी देणाऱ्या नोकराविरुद्ध पोलिसांनी गुन्हा दाखल केला. राहुल (३०) असे आरोपीचे नाव असून त्याला पोलिसांनी अटक केली. पोलिसांनी दिलेल्या माहितीनुसार, आरोपी राहुल हा अविवाहित असून गेल्या अनेक वर्षांपासून एका व्यावसायिकाकडे नोकर म्हणून काम करीत होता. मालकासा कांदे-बटाटे विक्री करण्यास मदत करीत होता. मालकाने त्याला वाहन चालवण्याचा परवाना काढून दिला. तेंव्हापासून तो मालकाची कार चालवायला लागला.
मालकाच्या ३८ वर्षीय पत्नीला वारंवार माहेरी सोडणे किंवा नातेवाईकांकडे घेऊन जाण्याची जबाबदारी राहुलकडे होती. तसेच तो मालकाच्या घरीही काम करीत होता. त्यामुळे मालकाच्या पत्नीशी ओळख झाली. व्यवसायानिमित्त मालक बाहेरगावी राहत असल्यामुळे राहुलला घरी मुक्कामी राहावे लागत होते. यादरम्यान राहुल आणि मालकाच्या पत्नीची जवळिक वाढली. मालक घरी नसल्यानंतर दोघेही शारीरिक संबंध प्रस्थापित करीत होते. राहुलने मोबाईलने महिलेचे काही अश्लील फोटो आणि चित्रफित काढल्या होत्या. गेल्या काही दिवसांपूर्वी दोघेही महिलेच्या मुलाला एका खोलीत बसून दिसले.
हेही वाचा : लहरी हवामानाचा फळांना फटका; द्राक्षांचे आगमन दोन महिन्यांनी लांबणीवर
त्यामुळे मुलाने आईची समजूत घालून राहुलला कामावरून काढून टाकून मैत्री तोडण्याचा सल्ला दिला. तेव्हापासून राहुलला कामावरून काढून टाकण्यात आले.महिलेने प्रेमसंबंध कायम ठेवण्यास नकार दिला. त्यामुळे राहुल चिडला होता. त्यामुळे तो वारंवार तिला भेटत होता. तिला पूर्वीप्रमाणे संबंध ठेवण्यासाठी दबाव टाकत होता. मात्र, ती त्याला नकार देत होता. त्यामुळे राहुलने तिला अश्लील छायाचित्र समाजमाध्यमावर प्रसारित करण्याची धमकी दिली. या प्रकरणी महिलेच्या तक्रारीवरून पोलिसांनी गुन्हा दाखल करून आरोपीला अटक केली.
