नागपूर : पुण्यातील ‘पोर्श’ घटनेनंतर पुन्हा झोतात आलेल्या नागपूरच्या रामझुलावरील ‘मर्सि़डिज’ अपघातप्रकरणी जिल्हा व सत्र न्यायालयाचा बहुप्रतिक्षित निकाल शुक्रवारी आला. फेब्रुवारी महिन्यात दारुच्या नशेत भरधाव मर्सिडिजने दोन लोकांचा बळी घेतला होता. याप्रकरणी आरोपी रितिका उर्फ रितू मालू हिचा अटकपूर्व जामीन अर्ज जिल्हा व सत्र न्यायाधीश आर. एस. भोसले पाटील यांनी फेटाळला.२४ फेब्रुवारी रोजी मध्यरात्रीनंतर रामझुला पुलावर रितिका मालूने भरधाव वेगात गाडी नेत मोहमद हुसेन गुलाम मुस्तफा आणि मोहमद आतिफ मोहमंद जिया यांना चिरडले होते. अपघातानंतर रितिका आणि तिची मैत्रिण माधुरी शिशिर सारडा या दोघी घटनास्थळावरून फरार होत्या. काही दिवसाने दोघींनी पोलिसांसमोर आत्मसमर्पण करत अपघात झाल्याची कबुली पोलिसांना दिली होती. याप्रकरणी तहसील पोलिसांनी भादंविच्या कलम २९७, ३३८, आणि ३०४ (अ) अंतर्गत जामीनपात्र गुन्हा दाखल केला होता.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
