वर्धा : महाविकास आघाडीचे उमेदवार अमर काळे यांचा लोकसभा निवडणुकीसाठी उमेदवारी अर्ज दाखल करण्यापूर्वी आयोजित सभेत मानापमान नाट्य रंगले. व्यासपीठावर स्थान असणाऱ्या नेत्यांमध्ये काँग्रेस नेत्यांना स्थानाचं नसल्याने नाराजीचे सूर उमटले.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

काँग्रेसचे माजी आमदार वीरेंद्र जगताप हे नाराज होत शेवटी प्रेक्षकांत बसले. माजी आमदार नरेंद्र ठाकरे हे पण गर्दीत होते. त्यांना वारंवार विनंती करूनही ते उठायला तयार झाले नाही. शेखर शेंडे हे शेवटी सुरक्षा अधिकाऱ्यांवर संतापले. अभिजित वंजारी व अन्य नेत्यांची नावे नसल्याबद्दल प्रवीण हिवरे यांनी नाराजी नोंदविली.

हेही वाचा – ‘एमपीएससी’च्या मुलाखतीत गुण वाढवून देण्यासाठी ‘निनावी’ फोन, पडद्यामागे कोण…

हेही वाचा – “पक्षनिष्‍ठा आमचे भांडवल, कमजोरी नव्‍हे,” भाजपचे नेते तुषार भारतीय यांचा नवनीत राणांविरोधात सूर; म्हणाले…

शरद पवार या सभेस उपस्थित राहून संबोधित करणार आहेत. तसेच ते मिरवणुकीतही सहभागी होत अर्ज दाखल करतेवेळी जिल्हाधिकारी कार्यालयात हजर राहणार असल्याचे माजी गृहमंत्री अनिल देशमुख यांनी सांगितले. मात्र सभा सूरू होण्यापूर्वीच झालेला गोंधळ चांगलाच चर्चेत आला आहे.

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Sharad pawar amar kale sabha wardha congress leaders have no place on the platform pmd 64 ssb