अमरावती : भाजप नेते किरीट सोमय्या यांचा आक्षेपार्ह व्हिडिओ प्रसारीत झाल्यानंतर राज्यभरात सर्वत्र आक्रोश पाहायला मिळत आहे. याबरोबरच अमरावतीमध्ये देखील याचे पडसाद उमटले आहेत. ठाकरे गटाच्या संतप्त शिवसैनिकांनी रस्त्यावर उतरून किरीट सोमय्याचा जाहीर निषेध करत जोडे मारो आंदोलन केले आणि पुतळ्याला प्रतिकात्‍मक फाशी दिली.शिवसेना जिल्हाप्रमुख सुनील खराटे यांच्या नेतृत्वात हे निषेधात्‍मक आंदोलन करण्यात आले.
राजकमल चौकात ठाकरे गटाचे पदाधिकारी व शिवसैनिक यांनी मोठ्या संख्येने एकत्रित येऊन घोषणाबाजी करत जोडे मारो आंदोलन केले. नैतिकतेच्या गप्पा मारणाऱ्या भाजपच्या नेत्यांनी किरीट सोमय्या यांच्यावर कायदेशीर कारवाई करण्याची मागणी शिवसेनेच्या पदाधिकाऱ्यांनी केली आहे.
सभ्यता व सुसंस्कृतपणाचा आव आणून अनेक राजकीय नेत्यांवर भ्रष्टाचाराचे आरोप करणाऱ्या किरीट सोमय्या यांचा खरा चेहरा अश्लील आक्षेपार्ह व्हिडिओने समोर आला असून अशा नग्न व अश्लीलतेचे प्रदर्शन मांडणाऱ्या सोमय्या यांचा शिवसेनेने निषेध करीत कारवाईची मागणी केली आहे.
हेही वाचा >>>सोमय्या यांच्यावर महिला नेत्यांची टीका, म्हणाल्या ‘ त्यांचे आचरण भाजप संस्कृतीप्रमाणेच’
हेही वाचा >>>VIDEO: इकडे मान्सूनचा वेग वाढला… आणि पक्ष्यांची वीण घट्ट होऊ लागली
या आंदोलनात शिवसेना संपर्क प्रमुख सुधीर सूर्यवंशी, माजी आमदार ज्ञानेश्‍वरा धाने पाटील, प्रदीप बाजड, वर्षा भोयर, ज्योती औगड, कांचन ठाकूर, पियू ठाकूर, स्नेहल ठेंगरे, प्रतिभा बोपशेट्टी, राजश्री जठाळे, सारिका जयस्वाल, अस्मा शेख, लक्ष्मी शर्मा, शाम धाने, शुभम जवंजाळ, संजय गव्हाळे, विकास शेळके, याह्या खा पठाण, अक्रम पठाण, विजय खंडारे, प्रकाश तेटू, पंजाबराव तायवाडे, मनोज अग्रवाल, संजय गोंडाने, महेश शेंडे, धनराज शेंडे, विजय बेनोडेकर, निलेश सावळे, मोहन क्षीरसागर, दिलीप काकडे, अजय बोबडे, अमोल कंकाळे, प्रमोद देशमुख, अरुण शेळके, वैभव हरणे, बंटी जामोदकर, मोहन काळे, दिनेश बेलगे, आकाश वाकोडे, भूषण भिसे, विनोद खडसे, गजु बिहार, सागर ढोके, महेश पवार, प्रशांत ठेंगरे, योगेश विजयकर, सचिन ठाकरे, शुभम पंचवटे, कैलास औगड आदी सहभागी झाले होते.
