शिवशाही अपघात : आदल्या दिवशी बस चुकली अन्…

साकोली तालुक्यातील कुंभली येथील प्रकाश हेमने यांची परिस्थिती बेताची असल्याने ते रायपूर येथे मुलासह कंपनीत कामासाठी राहतात. लेकीचे सासर कुंभली येथे आहे. विवाहित मुलीच्या घरी कार्यक्रम असल्यामुळे ते आठ दिवसांपूर्वी रायपूरवरून कुंभली येथे आले होते. गुरुवारी ते परत रायपूरला जाणार होते. परंतु, त्यांची नागपूर-रायपूर ही बस साकोली येथे चुकल्यामुळे ते परत घरी गेले. मुलांचा फोन आल्यामुळे शुक्रवारी परत ते नागपूर-गोंदिया या शिवशाही बसने गोंदियाला जायला निघाले होते. गोंदियावरून रेल्वेने रायपूरला जाणार होते. तेथे रेल्वे स्टेशनवर त्यांचा मुलगा त्यांना घेण्यासाठी येणार होता. मात्र काळाने घात केला आणि हमने यांचा या अपघातात मृत्यू झाला.

आणखी वाचा

सिंहगड रस्त्यावर धायरी भागात दोन गटात हाणामारी, परस्पर विरोधी फिर्यादीवरुन गुन्हे दाखल

Eknath Shinde : तुम्ही गृहखातं, विधानसभा अध्यक्षपद मागितलं…

कोंढव्यात दुचाकी घसरुन महिलेचा मृत्यू; दुचाकीस्वार पती जखमी

वस्त्रदालानाचा दरवाजा उचकटून पावणेचार लाखांची रोकड चोरी

काँग्रेसच्या कर्नाटकातील योजना बंद पडण्याच्या मार्गावर; प्रल्हाद जोशी

फोनमध्ये पाहत रस्ता ओलांडते महिला, कारने दिली जोरदार टक्कर अन्…, थरारक अपघाताचा Video Viral

मलकापुरात विकासकामांचा मुद्दा प्रचाराच्या केंद्रस्थानी, चैनसुख संचेती आणि राजेश एकडेंमध्ये कलगीतुरा

हेही वाचा : कोण आहे ‘मतदारांच्या मनातील आमदार’…साकोलीतील फलकाची जोरदार चर्चा

भंडाऱ्याहून गोंदियाकडे जाणाऱ्या

शिवशाही बसच्या भीषण अपघातात शुक्रवारी ११ प्रवासी ठार झाले. घटनेनंतर प्रादेशिक परिवहन विभागाच्या अधिकाऱ्यांनी अपघातग्रस्त बसची पाहणी करून चौकशी केली. कोहमारा ते डव्वा रस्त्यावरील सीसीटीव्ही फुटेज तपासले असता बस भरधाव वेगात असल्याचे समोर आले. चालकाचे एका दुचाकीला ओव्हरटेक करण्याच्या नादात बसवरून नियंत्रण सुटले आणि बस रस्त्याच्या कडेला उलटली. सुमारे वीस फूट अंतर घासत गेली. रस्त्याच्या कडेची लोखंडी रेलिंगही तुटली. चालकाने चक्क ३५ मिनिटांत दोन थांबे घेत ३० किमी अंतर कापले असल्याचे माहिती प्राथमिक तपासात पुढे आली आहे.

घटनेनंतर पोलीस, एसटी महामंडळाचे अधिकारी, प्रादेशिक परिवहन विभागाच्या अधिकाऱ्यांनी घटनास्थळाकडे धाव घेत बसचे प्रवासी आणि प्रत्यक्षदर्शीकडून माहिती घेण्याचा प्रयत्न केला. सर्वच यंत्रणांकडून चौकशी करण्यात आली. यात प्रादेशिक परिवहन विभागाच्या अधिकाऱ्यांनी बसची प्रत्यक्ष पाहणी केली. त्यात बस फारच वेगात असल्याचे समोर आले. ओव्हरटेकच्या नादात ही घटना घडल्याचे प्राथमिक तपासात निष्पन्न झाले.

हेही वाचा : शिवशाही बस अपघात प्रकरणी धक्कादायक माहिती; चालकाने या पूर्वी ५ वेळा …

सडक अर्जुनी तालुक्यातील कोहमारा ते गोंदिया हा वर्दळीचा मार्ग आहे. या मार्गावर वाहने नेहमी सुसाट धावतात. वेगावर नियंत्रण नसते. कोहमारा ते मुंडीपारपर्यंत रस्ते अरुंद आहेत. त्यामुळे किमान या ठिकाणी तरी वेग कमी असायला हवा. परंतु, चालक बेभान होऊन या मार्गावरून वाहने सुसाट पळवत असतात. परिणामी, लहान-मोठ्या घटना नेहमीच या मार्गावर घडतात. चालकांचा वाहन चालविण्याचा वेगच प्रवासी आणि सर्वसामान्यांच्या जीवावर उठला आहे. प्रशासकीय यंत्रणाही वाहनचालकांच्या मुसक्या आवळण्यात सपशेल अयशस्वी ठरली आहे. असेच वारंवार घडणाऱ्या घटनांवरून दिसून येते.