नागपूर : सहावीत शिकणाऱ्या मुलाला कमी गुण मिळाल्याने आईची आत्महत्या

पोलिसांनी दिलेल्या माहितीनुसार, रंजना इंदरे हे खासगी काम करतात. त्यांचा मुलगा एका नामांकित शाळेत सहाव्या वर्गात शिकतो. अभ्यासात हुशार असलेल्या मुलाचा टीव्ही आणि मोबाईल बघण्याचा वेळ वाढला. त्यामुळे त्याचे अभ्यासाकडे दुर्लक्ष झाले. गेल्या दोन दिवसांपूर्वीच मुलाचा सहाव्या वर्गाचा पहिल्या शैक्षणिक सत्राचा निकाल लागला. मुलाला पालकांच्या अपेक्षेपेक्षा कमी गुण मिळाले. त्यामुळे पती-पत्नी दोघेही नाराज होते. मुलाला कमी गुण मिळण्याचे कारण काय? याचा विचार करायला लागले.

हेही वाचा : नागपूर : नापास झाल्यामुळे नैराश्य, वैद्यकीयच्या विद्यार्थीनीने तलावात उडी घेऊन संपविले जीवन

त्यानंतर पत्नीने मोबाईल मुलाच्या हातात दिला आणि त्याचे लक्ष अभ्यासावरून मोबाईलकडे जास्त गेले. त्यामुळे त्याला कमी गुण मिळाल्याचा निष्कर्ष पतीने काढला. त्यामुळे मुलाच्या भविष्याचा विचार करीत ती स्वत:ला दोषी ठरवायला लागली. त्यात पतीनेही तिच्यावरच राग काढल्याने रंजना नैराश्यात गेल्या.त्यामुळे शनिवारी सायंकाळी पाच वाजता धान्यात टाकायच्या कीटकनाशक गोळ्या खाऊन रंजनाने आत्महत्या केली. बाहेर गेलेले पती घरी आल्यानंतर ही घटना उघडकीस आली. याप्रकरणी सोनेगाव पोलिसांनी आकस्मिक मृत्यूची नोंद केली.