नागपूर : हिंदू धर्मात विवाह हा १६ संस्कारांपैकी सर्वात महत्त्वाचा मानला जातो. विवाह सोहळ्यासाठी शुभ मुहूर्ताला खूप महत्त्व आहे. सुखी वैवाहिक जीवन सुनिश्चित करण्यासाठी योग्य तारीख आणि वेळ पाळणे महत्त्वाचे आहे अशी मान्यता आहे. विवाह केवळ दोन व्यक्तींना एकत्र आणत नाही तर दोन कुटुंबांमधील बंधही प्रस्थापित करतो. जेव्हा लग्न एखाद्या शुभ मुहूर्तावर आयोजित केले जाते तेव्हा ते जोडप्यासाठी दीर्घ आणि आनंदी आयुष्य आणते असे मानले जाते. नोव्हेंबर आणि डिसेंबर २०२४ मध्ये लग्नाच्या अनुकूल तारखांची यादी येथे आहे. यंदा देवूठाणी एकादशीचा पवित्र व्रत मंगळवार १२ नोव्हेंबर रोजी आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

देवूठाणी एकादशीनंतर चातुर्मास संपेल. त्यानंतर शुभ कार्यावरील बंदीही हटवण्यात येईल. देवूठाणी एकादशीपासून मुंडन, शुभविवाह, घरोघरी उमेद, लगन आदी शुभ कार्यांसाठी शुभ मुहूर्त दिसतील. यावर्षी नोव्हेंबर आणि डिसेंबरमध्ये लग्नासाठी काही शुभ मुहूर्त सापडत आहेत. देवूठाणी एकादशीच्या दिवशी नोव्हेंबर आणि डिसेंबरमध्ये लग्नासाठी कोणते शुभ मुहूर्त आहेत? द्रिक पंचांगानुसार, कार्तिक महिन्याच्या शुक्ल पक्षातील एकादशी तिथीला देवूठाणी एकादशी असते.

हेही वाचा…प्रिया फुके ही सरकारची ‘लाडकी बहीण ‘नाही आहे का? सामाजिक कार्यकर्त्या अरुणा सबाने यांचा सवाल

हे आहेत मुहूर्त

चार महिन्यांच्या विश्रांतीनंतर पुन्हा एकदा लग्नघाई सुरू होणार आहे. यावर्षी ३० हजारांवर अधिक लग्न होणार, अशी शक्यता वर्तवली जात आहे. तर यासाठी तीन हजार कोटींचा व्यवसायही होणार आहे. १२ नोव्हेंबरपासून लग्नाच्या मुहूर्तांना सुरुवात होणार आहे. या दिवसात १८ शुभमुहूर्त आहेत असे पंचांगकर्ते यांनी सांगितले आहे. नोव्हेंबर महिन्यात लग्नाचे १० दिवस खूप शुभ असतात. यामध्ये १२, १६, १७, १८, २२, २३, २४, २५, २९ नोव्हेंबरला होणाऱ्या विधींचा समावेश आहे. ज्योतिषाच्या मते ज्यांचे लग्न या तारखांना होतो डिसेंबरमध्ये लग्नासाठीच्या कमी मुहूर्त आहेत. यामध्ये ०३,०४, ०५, ०९, १० आणि १५ डिसेंबर या तारखा आहेत.

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Some shubh muhurat for wedding in november and december this year dag 87 sud 02