अमरावतीत दक्षिण आशियातील सर्वात मोठी विमान उड्डाण प्रशिक्षण संस्‍था! एमएडीसी आणि एअर इंडिया यांच्यात संयुक्‍त करार

या सहयोगी उपक्रमासाठी एअर इंडिया आणि एमएडीसी यांच्यात एक सामंजस्य करारावर नुकतीच स्वाक्षरी करण्यात आली. एअर इंडियाचे संचालक सुनील भास्करन, एअर इंडियाच्या एव्हिएशन अकादमी यांच्या नेतृत्वाखालील एक चमू अमरावतीमध्ये या प्रकल्पाच्या भूस्तरीय योजनांचे रेखाटन करत आहे.

आणखी वाचा

Mumbai-Prayagraj Flight Fare : महाकुंभमुळे विमान प्रवास १६२ टक्क्यांनी महागला, जाणून घ्या मुंबई-प्रयागराज विमानाचे तिकीट दर

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

‘पुणे विमानतळाचा व्यावसायिकदृष्ट्या विस्तार महत्त्वाचा’,कोणी केली मागणी ?

नवी मुंबई आंतरराष्ट्रीय विमानतळाला दि. बा. पाटील यांचेच नाव; वनमंत्री गणेश नाईक यांचे आश्वासन

व्यावसायिकतेत लष्कर शिखरावर

मुंबई विमानतळावर सोने, चरस, गांजा जप्त

मुंबई – सिंधुदुर्ग विमानसेवा दोन महिने बंद

पर्यटकांसाठी मार्गदर्शक तत्त्वे; समितीची स्थापना

हेही वाचा – पश्चिम विदर्भात पाणीबाणी, पावसाळ्यातही टँकरच्या संख्‍येत वाढ; १०५ गावांना टँकरने पाणीपुरवठा

एअर इंडिया ३१ सिंगल इंजिन आणि तीन ट्विन इंजिन विमानांद्वारे दरवर्षी १८० व्यावसायिक वैमानिकांना प्रशिक्षण देणार आहे. दरवर्षी ३६ हजार फ्लाइट तासाची क्षमता या ठिकाणी आहे. विद्यार्थ्यांसाठी १० एकर जमिनीवर अत्याधुनिक प्रशिक्षण संस्था विकसित करण्यात येणार आहे, ज्यामध्ये डिजिटल-सक्षम वर्ग, जागतिक शैक्षणिक मानकांसह सुसज्ज वसतिगृहे, एक डिजिटल ऑपरेशन सेंटर आणि ऑपरेशनल कार्यक्षमता वाढविण्यासाठी स्वतःची देखभाल सुविधा उपलब्‍ध असणार आहे. उड्डाण प्रशिक्षण संस्‍थेच्या सर्वसमावेशक प्रशिक्षण अभ्यासक्रमात सैद्धांतिक वर्ग, तसेच गतिमान व्यावहारिक उड्डाण अनुभवाचा समावेश असणार आहे. येथे देशातील तरुणांना कौशल्‍यपूर्ण प्रशिक्षण मिळेल.

एमएडीसीच्या उपाध्यक्ष आणि व्यवस्थापकीय संचालक स्वाती पांडे म्हणाल्या, या प्रकल्पामुळे केवळ विदर्भातील आर्थिक संभाव्यतेला चालना मिळणार नाही तर महाराष्ट्रातील विमान वाहतूक क्षेत्राला चालना मिळणार आहे.

एमएडीसी रात्रकालीन उड्डाण आणि इन्स्ट्रुमेंटल लँडिंग क्षमतेसह अत्याधुनिक विमानचालन सुविधा सुरू करणार आहे. यामुळे विमान वाहतूक क्षेत्रात ३ हजारांहून अधिक नोकऱ्या निर्माण होणार आहेत.

हेही वाचा – “उद्धव ठाकरेंना अर्थसंकल्प समजत नाही, त्यामुळे…”, भाजप प्रदेशाध्यक्ष बावनकुळे यांची टीका; म्हणाले…

अमरावती विमानतळावर उड्डाण करण्यासाठी ३०० दिवसांपेक्षा जास्त स्वच्छ दृश्यमानता, जागेची उपलब्धता, एमएडीसीने उभारलेली जागतिक दर्जाची धावपट्टी, रात्रीच्या वेळी विमाने उतरण्याच्या क्षमतेने सुसज्ज असलेले विमानतळ ही वैशिष्‍ट्ये आहेत. अमरावती विमानतळ हे महाराष्ट्रातील उडान-आर. सी. एस. योजनेत समाविष्ट असलेल्या विमानतळांपैकी एक आहे. अमरावती अलायन्‍स विमान सेवेने लवकरच मुंबईशी जोडले जाईल, अशी अपेक्षा व्‍यक्‍त केली जात आहे.

महाराष्ट्र विमानतळ विकास कंपनीने अमरावतीच्‍या बेलोरा विमानतळावर अत्‍याधुनिक पायाभूत सुविधा उपलब्‍ध करून दिल्‍या आहेत. आता या ठिकाणी दक्षिण आशियातील सर्वात मोठी विमान उड्डाण प्रशिक्षण संस्‍था उभारली जात आहे. – गौरव उपश्‍याम, वरिष्‍ठ व्‍यवस्‍थापक, अमरावती विमानतळ