बुलढाणा : अपुऱ्या पावसामुळे जिल्ह्यातील तब्बल ७ लाख हेक्टर क्षेत्रावरील खरिपाच्या पेरण्या रखडल्या असून झालेल्या पेरण्या उलटण्याची चिन्हे आहेत. दुसरीकडे जुलैमध्येही २५० गावांतील पाणी टंचाईची तीव्रता कायम असल्याचे चित्र आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

दमदार पाऊस न झाल्याने सुमारे २९ हजार हेक्टरवरील झालेल्या पेरण्या धोक्यात आल्या आहे. या तुलनेत तब्बल ७ लक्ष हेक्टरवरील पेरण्या अजूनही रखडल्या आहेत. किमान ७० मिलिमीटर वा शेत जमिनीत ४ ते ५ इंच ओल झाल्याशिवाय पेरणी करू नये, असा इशारा कृषी विभागाने दिला आहे. यामुळे लाखो शेतकरी चिंताग्रस्त झाले असून दमदार पावसाची आतुरतेने प्रतीक्षा करीत आहे. या परिणामी मूग, उडीद या पिकांच्या पेऱ्यात घट येणार आहे.

आणखी वाचा

हेही वाचा – “मलाही दादांची ऑफर होती” आमदार शिंगणेंचा गौप्यस्फोट; ‘एमइटी’ च्या बैठकीलाही जिल्ह्यातील कार्यकर्त्यांची उपस्थिती

टंचाईची तीव्रता कायम

जुलै महिना सुरू झाला असला तरी पाणी टंचाईची तीव्रता कायम असल्याचे गंभीर चित्र आहे. जिल्ह्यातील २२ गावांना २३ टँकरद्वारे पाणीपुरवठा करण्यात येत आहे. तसेच २३० गावांतील लाखावर ग्रामस्थांची तहान २५७ अधिग्रहित खाजगी विहिरींद्वारे भागविली जात आहे. जुलै लागला तरीही पाऊस अपुराच आहे. ५ जुलै अखेर जिल्ह्यात सरासरी ५४ मिलिमीटर इतकाच पाऊस झाला आहे.