होळीच्या सणानिमित्ताने प्रवास करणाऱ्यांची संख्या वाढत असल्याने रेल्वेने अजनी ते पुणे दरम्यान वातानुकूलित विशेष रेल्वेगाडी सोडण्याचा निर्णय घेतला आहे. होळीला होणारी प्रवाशांची अतिरिक्त गर्दी कमी करण्यासाठी रेल्वे अजनी-पुणे-अजनी दरम्यान आठवड्यातून एकदा धावणारी विशेष रेल्वेगाडी सुरू केली जात आहे.
हेही वाचा- नागपूर : ३० ट्रकचा मालक, करोनात डबघाईस आला, नुकसान भरून काढण्यासाठी…
या गाडीच्या सहा फेऱ्या राहतील. या गाडीला ‘एसी थ्री टिअर’ डबे राहतील. पुणे-अजनी साप्ताहिक एसी सुपरफास्ट स्पेशल (सहा सेवा) गाडी २८ फेब्रुवारी ते १४ मार्च दर मंगळवारी पुण्याहून दुपारी सव्वातीन वाजता सुटेल आणि दुसऱ्या दिवशी ४ वाजून ५० मिनिटांनी अजनीला पोहोचेल. तर १ मार्च ते १५ मार्च या कालावधीत दर बुधवारी अजनी येथून सायंकाली ७ वाजून ५० मिनिटांनी सुटेल आणि दुसऱ्या दिवशी ११ वाजून ३५ मिनिटांनी पुण्याला पोहोचेल. या गाडीला दौंड, कोपरगाव, मनमाड, भुसावळ, नांदुरा, अकोला, बडनेरा, धामणगाव आणि वर्धा येथे थांबे राहणार आहेत.
