लोकसत्‍ता टीम
अमरावती : परतवाडा ते चिखलदरा मार्गावर मोथानजीक एसटी बसने पेट घेतला. ही घटना घडल्यानंतर काही वेळ प्रवाशांचा थरकाप उडाला. या दुर्घटनेत एसटी बस संपूर्ण जळाली असून बसमधील प्रवाशांना त्‍वरित उतरविण्‍यात आल्‍यामुळे अनर्थ टळला. बुधवारी रात्री ही दुर्घटना घडली.
यवतमाळ जिल्‍ह्यातील नेर आगाराची यवतमाळ ते चिखलदरा ही एमएच ४० / एक्‍यू ६१६९ क्रमाकांची महाराष्‍ट्र राज्य परिवहन महामंडळाची बस चिखलदरा येथे जात असताना मोथा गावाजवळ घाट वळणावर अचानक एसटी बसच्या चालकाच्या केबीनमधून धूर येऊ लागला. प्रसंगावधान राखत बसमधील प्रवाशांना चालक आणि वाहकाने उतरवले आणि बस रिकामी करण्यात आली. काही मिनिटांत बसने पेट घेतला आणि संपूर्ण बस जळाली.
आणखी वाचा-PM Modi To Visit Wardha : ‘नो फ्लाय झोन’… पंतप्रधान मोदींच्या सभेसाठी खबरदारी
या घटनेची माहिती मिळताच पोलीस पथक घटनास्‍थळी पोहचले. स्‍थानिक नागरिकांच्‍या मदतीने बसची आग विझवण्‍याचे प्रयत्‍न सुरू करण्यात आले. एका कंत्राटदाराने टँकर पाठवून आग आटोक्‍यात आणण्‍यास मदत केली. सुमारे दोन तासांच्‍या प्रयत्‍नांनंतर आगीवर नियंत्रण मिळविण्‍यात आले, पण बस संपूर्ण जळाली.
अमरावती : परतवाडा ते चिखलदरा मार्गावर मोथा नजीक एसटी बसने पेट घेतला. ही घटना घडल्यानंतर काही वेळ प्रवाशांचा थरकाप उडाला. या दुर्घटनेत एसटी बस संपूर्ण जळाली असून बसमधील प्रवाशांना त्‍वरित उतरविण्‍यात आल्‍यामुळे अनर्थ टळला. pic.twitter.com/Lj3ChQtm8G
— LoksattaLive (@LoksattaLive) September 19, 2024
बसच्या चालकाला बसच्या समोरच्‍या भागातून धूर येत असल्‍याचे लक्षात आले. त्‍याच क्षणी चालकाने घाटाचा रस्‍ता असूनही प्रसंगावधान राखत बस थांबविली. त्‍याचवेळी बसने पेट घेतला. चालक आणि वाहक यांनी धैर्याने बसमधील प्रवाशांना बाहेर काढले. यावेळी प्रवाशांनी आरडाओरड केल्‍याने परिसरातील नागरिक धावले, परंतु बघण्‍यापलीकडे ते काहीही करू शकत नव्‍हते. बस पेटल्‍याची माहिती चालकाने आगाराला कळवली. दरम्यान, एसटी बसला आग लागण्याचे कारण समजू शकले नाही.
आणखी वाचा-लोकजागर: प्रिया फुकेंच्या निमित्ताने…
दरम्यान, सामाजिक कार्यकर्ते शेख नासीर अब्‍दूल गनी यांनी आपला वैयक्तिक पाण्‍याचा टँकर पाठवून आग आटोक्‍यात आणण्‍यास मदत केली. नोव्हेंबर २०२२ मध्‍ये अमरावती नागपूर राष्ट्रीय महामार्गावर अमरावती शहरापासून २० किलोमीटर दूर पिंपळविहीर गावाजवळ एसटी बसला अचानक आग लागली होती. ही एसटी ३५ प्रवासी घेऊन निघाली होती. यावेळीही चालकाच्या सतर्कतेमुळे अनर्थ टळला होता. नागपूर आगाराची ही एसटी बस होती. अमरावतीवरून ही बस नागपूरच्या दिशेने रवाना झाली होती. धावत्या एसटी बसच्या इंजिनमध्ये आग लागल्याने ही आग सर्वत्र पसरली. त्यानंतर पाहता पाहता एसटी बस पूर्णपणे जळून खाक झाली होती. एसटी बसला आग लागल्याने अमरावती-नागपूर राष्ट्रीय महामार्गावरील वाहतूक तब्बल एक तास ठप्प झाली होती.
अमरावती : परतवाडा ते चिखलदरा मार्गावर मोथानजीक एसटी बसने पेट घेतला. ही घटना घडल्यानंतर काही वेळ प्रवाशांचा थरकाप उडाला. या दुर्घटनेत एसटी बस संपूर्ण जळाली असून बसमधील प्रवाशांना त्‍वरित उतरविण्‍यात आल्‍यामुळे अनर्थ टळला. बुधवारी रात्री ही दुर्घटना घडली.
यवतमाळ जिल्‍ह्यातील नेर आगाराची यवतमाळ ते चिखलदरा ही एमएच ४० / एक्‍यू ६१६९ क्रमाकांची महाराष्‍ट्र राज्य परिवहन महामंडळाची बस चिखलदरा येथे जात असताना मोथा गावाजवळ घाट वळणावर अचानक एसटी बसच्या चालकाच्या केबीनमधून धूर येऊ लागला. प्रसंगावधान राखत बसमधील प्रवाशांना चालक आणि वाहकाने उतरवले आणि बस रिकामी करण्यात आली. काही मिनिटांत बसने पेट घेतला आणि संपूर्ण बस जळाली.
आणखी वाचा-PM Modi To Visit Wardha : ‘नो फ्लाय झोन’… पंतप्रधान मोदींच्या सभेसाठी खबरदारी
या घटनेची माहिती मिळताच पोलीस पथक घटनास्‍थळी पोहचले. स्‍थानिक नागरिकांच्‍या मदतीने बसची आग विझवण्‍याचे प्रयत्‍न सुरू करण्यात आले. एका कंत्राटदाराने टँकर पाठवून आग आटोक्‍यात आणण्‍यास मदत केली. सुमारे दोन तासांच्‍या प्रयत्‍नांनंतर आगीवर नियंत्रण मिळविण्‍यात आले, पण बस संपूर्ण जळाली.
अमरावती : परतवाडा ते चिखलदरा मार्गावर मोथा नजीक एसटी बसने पेट घेतला. ही घटना घडल्यानंतर काही वेळ प्रवाशांचा थरकाप उडाला. या दुर्घटनेत एसटी बस संपूर्ण जळाली असून बसमधील प्रवाशांना त्‍वरित उतरविण्‍यात आल्‍यामुळे अनर्थ टळला. pic.twitter.com/Lj3ChQtm8G
— LoksattaLive (@LoksattaLive) September 19, 2024
बसच्या चालकाला बसच्या समोरच्‍या भागातून धूर येत असल्‍याचे लक्षात आले. त्‍याच क्षणी चालकाने घाटाचा रस्‍ता असूनही प्रसंगावधान राखत बस थांबविली. त्‍याचवेळी बसने पेट घेतला. चालक आणि वाहक यांनी धैर्याने बसमधील प्रवाशांना बाहेर काढले. यावेळी प्रवाशांनी आरडाओरड केल्‍याने परिसरातील नागरिक धावले, परंतु बघण्‍यापलीकडे ते काहीही करू शकत नव्‍हते. बस पेटल्‍याची माहिती चालकाने आगाराला कळवली. दरम्यान, एसटी बसला आग लागण्याचे कारण समजू शकले नाही.
आणखी वाचा-लोकजागर: प्रिया फुकेंच्या निमित्ताने…
दरम्यान, सामाजिक कार्यकर्ते शेख नासीर अब्‍दूल गनी यांनी आपला वैयक्तिक पाण्‍याचा टँकर पाठवून आग आटोक्‍यात आणण्‍यास मदत केली. नोव्हेंबर २०२२ मध्‍ये अमरावती नागपूर राष्ट्रीय महामार्गावर अमरावती शहरापासून २० किलोमीटर दूर पिंपळविहीर गावाजवळ एसटी बसला अचानक आग लागली होती. ही एसटी ३५ प्रवासी घेऊन निघाली होती. यावेळीही चालकाच्या सतर्कतेमुळे अनर्थ टळला होता. नागपूर आगाराची ही एसटी बस होती. अमरावतीवरून ही बस नागपूरच्या दिशेने रवाना झाली होती. धावत्या एसटी बसच्या इंजिनमध्ये आग लागल्याने ही आग सर्वत्र पसरली. त्यानंतर पाहता पाहता एसटी बस पूर्णपणे जळून खाक झाली होती. एसटी बसला आग लागल्याने अमरावती-नागपूर राष्ट्रीय महामार्गावरील वाहतूक तब्बल एक तास ठप्प झाली होती.
