वर्धा : सध्या टोमॅटोचे भाव गगनाला भिडले आहे. दोनशे ते अडीचशे रूपये किलोप्रमाणे ही भाजी विकल्या जात आहे. त्यामुळे त्याचे व्यवहारपण रोखीनेच केल्या जात आहे. मात्र या प्रकरणात टोमॅटो विक्रीचे पैसे थकविल्याने चक्क चाकूने भोसकण्यात आले.
आर्काइव्हमधील सर्व बातम्या मोफत वाचण्यासाठी कृपया रजिस्टर करा
Already have a account? Sign in
हिंगणघाट येथे शुभम मनोहर टामटे यांच्या भाजी विक्रीचे दुकान आहे. त्यांनी विकलेल्या चार कॅरेट टोमॅटोचे पैसे मागण्यासाठी ते याच गावातील विलास थुरटकर यांच्याकडे गेले. पैसे नंतर देतो असे उत्तर मिळाल्याने टामटे यांनी पैसे आताच पाहिजे असल्याचा आग्रह धरला. त्यामुळे चिडून आरोपी विलास याने त्याच्याजवळ असलेला भाजी कापण्याचा चाकू शुभमला भोसकला. तसेच मारण्याची धमकीही दिली.
पोलीस तक्रार झाल्यानंतर आरोपी विलास याच्यावर हिंगणघाट पोलीसांनी गुन्हा दाखल केला.
First published on: 01-08-2023 at 09:52 IST
Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Stabbed with a knife for asking to borrow a tomato in hinganghat wardha pmd 64 amy