अकोला : ‘जलजीवन मिशन’मधून गावांतील जलस्त्रोतांचे बळकटीकरण

अकोला : जलजीवन मिशन अंतर्गत जिल्ह्यातील ३९ गावांना पाणीपुरवठा करणाऱ्या जलस्त्रोतांचे बळकटीकरण करण्यात येणार असून, या कामांना गती द्यावी, असे निर्देश जिल्हाधिकारी अजित कुंभार यांनी दिले.

आणखी वाचा

मानव-वन्यजीव संघर्ष : चंद्रपूर जिल्ह्यात ३७ वन्यप्राण्यांचा तर २९ नागरिकांचा मृत्यू

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

राज्यातील ३० धरणांमध्ये भूकंपाचे परिणाम जोखण्यासाठी यंत्रणा

सहा टाक्या, तरी पाणी मिळेना! पुण्यातील प्रकार

बारवीच्या जांभूळ जलशुद्धीकरण केंद्रात दुरूस्ती; उल्हासनगरसह अंबरनाथ, बदलापुरातील पाणी पुरवठा २४ तास बंद

शिवसेना आमदाराच्या हत्येचा कट ? अंबरनाथचे आमदार डॉ. बालाजी किणीकर यांच्या हत्येचा कटात दोघे अटकेत

पिंपरी : ई-रिक्षाधारकांना ३० हजार रुपये अनुदान; काय आहे महापालिकेचा उपक्रम?

कल्याण-डोंबिवली शहरांचा पाणी पुरवठा गुरुवारी अठरा तास बंद

जलजीवन मिशनबाबत बैठक जिल्हाधिकाऱ्यांच्या अध्यक्षतेखाली त्यांच्या दालनात झाली. जिल्हा परिषदेच्या मुख्य कार्यकारी अधिकारी बी. वैष्णवी, भूजल सर्वेक्षण विभागाचे वरिष्ठ भूवैज्ञानिक संजय कराड व विविध विभागांचे अधिकारी उपस्थित होते. जिल्ह्यातील ३९ गावांतील पाणीपुरवठा योजनांचा जलस्त्रोत असलेल्या विहिरीच्या उद्भव क्षेत्रात जल पुनर्भरणासाठी ‘रिचार्ज शाफ्ट’ व ‘रिचार्ज स्ट्रेंच’ बसविण्यात येणार आहेत. या कामांचे गावनिहाय परिपूर्ण नियोजन करून आवश्यक कार्यवाही करावी व कामांना गती द्यावी, असे निर्देश दिले.

आणखी वाचा-१३.८३ लाख नागरिकांची कुष्ठ व क्षयरोग तपासणी होणार

दख्खनच्या पठारात आढळणाऱ्या बेसाल्ट या खडकात जिल्ह्यातील बहुतांश पिण्याच्या पाण्याचे स्त्रोत निश्चित करण्यात आले आहेत. या खडकात पाणी उपलब्धतेबाबत कुठेही निश्चित अशी समानता आढळून येत नाही. त्यामुळे पेयजलाच्या स्त्रोताच्या वरील बाजूस किमान ५०० मीटरपर्यंत स्त्रोत बळकटीकरणासाठी कामे घेतल्यास सकारात्मक परिणाम दिसून येतो. त्यामुळे ‘रिचार्ज शाफ्ट’ व ‘रिचार्ज स्ट्रेंच’ निर्माण करण्याचे नियोजन करण्यात आले आहे. या कामांमुळे गावांना पाणीपुरवठा करणाऱ्या योजनांच्या विहिरींच्या क्षेत्रात भूजलात वाढ व्हायला मदत होईल, असे वरिष्ठ भूवैज्ञानिक कराड यांनी सांगितले.