यवतमाळ-वाशीमचा गड ठाकरे गटाने राखला; संजय देशमुख ९४ हजार ४७३ मतांनी विजयी

संपूर्ण राज्याच्या नजरा लागून राहिलेल्या यवतमाळ-वाशीम लोकसभा मतदारसंघात महाविकास आघाडीतील शिवसेना उद्धव बाळासाहेब ठाकरे पक्षाचे उमेदवार संजय देशमुख हे ९४ हजार ४७३ इतक्या प्रचंड मताधिक्क्याने विजयी झाले.

Yavatmal Washim lok sabha seat, lok sabha 2024, Thackeray group, Sanjay Deshmukh,Vidharbh Lok Sabha Election Result 2024, Akola Lok Sabha Election Result 2024, Nagpur Lok Sabha Election Result 2024, Lok Sabha Election Result 2024 in Marathi, India Lok Sabha Election Result 2024 in Marathi, Akola Lok Sabha Election Result 2024 Nagpur

यवतमाळ-वाशीमचा गड ठाकरे गटाने राखला; संजय देशमुख ९४ हजार ४७३ मतांनी विजयी (छायाचित्र - लोकसत्ता टीम)

यवतमाळ : संपूर्ण राज्याच्या नजरा लागून राहिलेल्या यवतमाळ-वाशीम लोकसभा मतदारसंघात महाविकास आघाडीतील शिवसेना उद्धव बाळासाहेब ठाकरे पक्षाचे उमेदवार संजय देशमुख हे ९४ हजार ४७३ इतक्या प्रचंड मताधिक्क्याने विजयी झाले. ३० व्या अंतिम फेरीअखेर त्यांना पाच लाख ९४ हजार ८०७ इतकी मते मिळाली, तर महायुतीतील शिवसेना शिंदे गटाच्या उमेदवार राजश्री हेमंत पाटील यांना पाच लाख ३३४ इतकी मते मिळाली. निवडणूक निर्णय अधिकारी डॉ. पंकज आशिया यांनी विजयाचे प्रमाणपत्र देत संजय देशमुख विजयी घोषित केले.

यवतमाळ-वाशीम लोकसभा मतदारसंघात महाविकास आघाडीचा विजय होईल, असे मतदानोत्तर कल चाचण्यांमधूनही सांगण्यात आले होते. ती शक्यता प्रत्यक्ष निकालातही खरी ठरली. यवतमाळ-वाशीम लोकसभा मतदारसंघात एकूण १७ उमेदवार रिंगणात होते. तिसऱ्या क्रमांकाची ५६ हजार ३९० मते समनक पार्टीचे उमेदवार अनिल राठोड यांना मिळाली. वंचित बहुजन आघाडीच्या उमदेवाराचा अर्ज तांत्रिक त्रुटीमुळे बाद झाल्यानंतर अनिल राठोड यांना वंचित बहुजन आघाडीने पाठींबा जाहीर केला होता. त्याचा फायदा अनिल राठोड यांना झाल्याचे निकालातून दिसून येते. चौथ्या क्रमांकाची १७ हजार ३९६ मते बसपाचे उमदेवार हरिभाऊ राठोड यांनी घेतली. हरिभाऊ राठोड यांनी यापूर्वी भाजप आणि काँग्रेस या दोन्ही पक्षांकडून यवतमाळ लोकसभा मतदारसंघाचे प्रतिनिधीत्व केले आहे. मात्र यावेळी त्यांना स्वत:चे डिपॉझिटही वाचवता आलेले नाही. याशिवाय अमोल कोमावार, उत्तम इंगोले, धर्मा ठाकूर, डॉ. अरूणकुमार राठोड, प्रा. किसन अंबुरे, गोकुल चव्हाण, दीक्षांत सवाईकर, नूर अली मेहबूब अली शहा, मनोज गेडाम, रामदास घोडाम, विनोद नंदागवळी, संगीता चव्हाण, संदीप शिंदे हे उमेदवार रिंगणात होते. ‘नोटा’स नऊ हजार ३९१ इतकी मते मिळाली. ७१ मते अवैध ठरली, १२ लाख १६ हजार १३९ मते वैध ठरली.

आणखी वाचा

Determined to further strengthen the strength of Mahavikas Aghadi

महाविकास आघाडीची ताकद अधिक बळकट करण्याचा निर्धार

४ ऑक्टोबर पंचांग: मेष, वृषभसह ‘या’ राशींवर देवी…

Party President Mallikarjun Kharge met by Nana Patole Print politics news

राज्यातील काँग्रेस नेत्यांना सबुरीचा सल्ला; नाना पटोलेंकडून पक्षाध्यक्ष मल्लिकार्जुन खरगे यांची भेट

Karjat Jamkhed Assembly Constituency: कर्जत-जामखेड विधानसभा; काका-पुतण्याच्या संघर्षाचा नवा आखाडा! यंदा आमदार कोण, राम शिंदे की रोहित पवार?

Yogi Adityanath: योगी आदित्यनाथ यांना हरियाणा, जम्मू-काश्मीरच्या प्रचारापासून भाजपाने दूर का ठेवले?

Eknath Shinde Buldhana, Congress leaders Buldhana,

बुलढाणा : मुख्यमंत्री एकनाथ शिंदेंच्या ताफ्यात घुसण्याचा काँग्रेस नेत्यांचा प्रयत्न; काळे झेंडे दाखविले

Shinde group is likely to get only one seat in Pune in the upcoming assembly elections politics news

पुण्यात शिंदे गटाच्या वाट्याला केवळ एकच जागा ?

BJP prepares for election in Shinde group constituency in Khanapur politics news

खानापूरमध्ये शिंदे गटाच्या मतदारसंघात भाजपची कुरघोडी

विजयाची खात्री होताच महाविकास आघाडीच्या कार्यकर्त्यांनी मतमोजणी केंद्राबाहेर गर्दी केली. उमेदवार संजय देशमुख हे महाविकास आघाडीच्या मतमोजणी केंद्रात पोहचताच कार्यकर्त्यांनी जल्लोष केला.

हेही वाचा…wardha Lok Sabha Election Result 2024 वर्धा : रामदास तडस यांना ‘हॅटट्रिक’ची हुलकावणी

धनशक्तीविरोधात जनशक्तीचा विजय – देशमुख

हा विजय लोकांचा आहे. ही निवडणूक लोकांनीच हाती घेतली होती. हा धनशक्ती विरोधात जनशक्तीचा विजय असल्याची प्रतिक्रिया दिली. भविष्यात जिल्ह्यातील सर्व विधानसभा मतदारसंघात विजय मिळविण्याचे महाविकास आघाडीचे लक्ष्य राहिल, असे नवनिर्वाचित खासदार संजय देशमुख म्हणाले.

Web Title: Stronghold of yavatmal washim was held by the thackeray group sanjay deshmukh won by 94 thousand votes nrp 78 psg