‘एमपीएससी’च्या संगणकाधारित परीक्षेला विरोध ; गैरप्रकाराची विद्यार्थी संघटनांना भीती 

आयोगातर्फे  सरळसेवा भरतीसाठी चाळणी परीक्षा संगणकाधारित करण्याचा निर्णय घेण्यात आला आहे. त्यानुसार ४० संवर्गाची चाळणी परीक्षा होणार असून यामुळे परीक्षा प्रक्रिया वेगवान होऊ शकेल, असा विश्वास आयोगाने व्यक्त केला आहे.

आणखी वाचा

विश्लेषण : शिकवणी वर्गांच्या जाहिरातींना चाप?

महायुतीला सत्ता मिळाली, लाडक्या बहिणींना २१०० रुपये कधीपासून…

बॅग तपासणीवरून नवे वादंग; नाहक त्रास देण्याचा प्रयत्न, महाविकास आघाडीचा आरोप, विरोधकांकडून केवळ राजकारण : महायुतीचे प्रत्युत्तर

कुतूहल : कृत्रिम बुद्धिमत्तेच्या साहाय्याने निर्णयांची अंमलबजावणी

MPSC मंत्र : राज्य सेवा मुख्य परीक्षा- मानवी हक्क पारंपरिक अभ्यास

नोकरीची संधी :ऑर्डनन्स फॅक्टरीत भरती

उत्तर प्रदेशात ‘यूपीपीएससी’ परीक्षार्थींची निदर्शने; दोन परीक्षा एकाच दिवशी घेण्याच्या मागणीसाठी आंदोलन

आतापर्यंत विशिष्ट शैक्षणिक अर्हता आणि अनुभवावर आधारित सरळसेवा भरती प्रक्रिया पारंपरिक पद्धतीने घेण्यात येत होती. मात्र, त्यामध्ये बदल करून संगणकाधारित पद्धतीने घेण्यात येणार आहे. या निर्णयाला आता विरोध होत आहे.

आरोग्य विभाग, टीईटी परीक्षांमध्ये मोठय़ा प्रमाणात गैरप्रकार झाल्याचे उघड झाले. त्यानंतर आरोग्य विभागाची परीक्षाही रद्द करावी लागली. त्यामुळे संगणकाधारित पद्धतीने एमपीएससीने परीक्षा घेतल्यास गैरप्रकार होण्याची भीती स्पर्धा परीक्षार्थीकडून व्यक्त करण्यात येते. होतकरू विद्यार्थ्यांना मोठा फटका बसत असल्याने पारदर्शी परीक्षेसाठी ओळखल्या जाणाऱ्या एमपीएससीने अशा पद्धतीने परीक्षा घेऊ नये, अशी मागणी होत आहे.

समन्वय समिती आक्रमक..

आयोगाच्या ऑनलाइन परीक्षा पद्धतीला स्पर्धा परीक्षा समन्वय समितीचा विरोध आहे. अशा पद्धतीच्या परीक्षांतील अनेक घोटाळे उघड केले आहेत.  त्यामुळे खासगी कंपन्यांवर विश्वास नाही. त्यामुळे हा निर्णय आयोगाने मागे घ्यावा, असे मत स्पर्धा परीक्षा समन्वय समितीचे आहे.

खासगी कंपनीमुळे धोका..

सरळसेवा भरती चाळणी परीक्षा संगणकाधारित घेतल्यास त्यासाठी खासगी कंपनीची नेमणूक करावी लागेल.  संगणकाधारित परीक्षा घेण्यासाठी आवश्यक असणारी यंत्रणा आयोगाकडे नाही. त्यामुळे या परीक्षेसाठी पुन्हा खासगी कंपनी आल्यास गैरप्रकार होऊ शकतो, अशी शंका स्पर्धा परीक्षा समन्वय समितीने व्यक्त केली.